Kuvendi zgjedh Kristaq Trajën si
kryetar të KDRTSH me 74 vota

Kuvendi zgjedh Kristaq Trajën si<br />kryetar të KDRTSH me 74 vota
TIRANE - Në përfundim të seancës së sotme të Kuvendit ështëjanë miratuar një serë ligjesh të rëndësishme. Mes debateve të Genc Pollos dhe nënkryetarit të komisionit të medias Alfred Peza është zgjedhur sot kreu i Këshillit Drejtues të Radio Televizionit Shqiptar Kristaq Traja me 74 vota pro dhe një votë kundër.

Traja u zgjodh si drejtues përballë tre kandidatëve të tjerë, Artan Mullaj, Andi Kananaj dhe Blerim Kolës të cilët nuk mundën të merrnin dot votat e nevojshme për të kaluar.

Një tjetër ligj i rëndësishëm që është miratuar ka qenë edhe ai i rezolutës për AMA-n i cili ka kaluar nga qeveria me 75 vota pro dhe 16 vota kundër.

Projektligji për ratifikimin e ndryshimit nr. 4 të marrëveshjes së ndihmës për objektiva zhvillimi ndërmjet Këshillit të Ministrave të Republikës së Shqipërisë dhe Qeverisë së Shteteve të Bashkuara të Amerikës për forcimin e shtetit të së drejtës dhe qeverisjen e mirë dhe krijimin e kushteve për një rritje ekonomike me bazë të gjerë dhe të qëndrueshme, ka kaluar në Kuvend me 91 vota pro.

Ligj tjetër i rëndësishëm  i cili është miratuar me 94 vota pro dhe asnjë kundër ishte ligji për Shërbimin Postar në Republikën e Shqipërisë.

Gjatë seancës së sotme në Kuvendin e Shqipërise është miratuar edhe projektligji për disa ndryshime në ligjin nr.9235, datë 29.07.2004, “Për kthimin dhe kompensimin e pronës”, i ndryshuar, si dhe është ratifikuar Protokolli i 16-të i Konventës “Për mbrojtjen e të drejtave të njeriut dhe lirive themelore”.

Redaksia online
(f.m/shqiptarja.com)

  • Sondazhi i ditës:

    Alibeaj iku nga grupi PD, çfarë duhet të bëjnë deputetët e tjerë pro Bashës?



×

Lajmi i fundit

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut

'Spanjës t'i 'lexojmë' lojën', Ivan Balliu: Po u sollën mirë, i ftojmë në plazhet e jugut