POP 5

Lajmet më të lexuara të 5 minutave të fundit

Kronikë

Laboratori i kokainës në Fushë-Krujë, Eurojust zbulon itenerarin e trafikut: Droga nga Amerika Latine, në Shqipëri përmes Italisë! Më pas shpërndahej drejt vendeve të BE-së

Eurojust ofroi mbështetje për SPAK dhe autoritetet në Reggio Calabria në ekzekutimin e kërkesave për Ndihmë të Ndërsjellë Ligjore nga Shqipëria drejt Italisë. Kjo u realizua përmes Zyrës Kombëtare të Italisë dhe Prokurorit Lidhës të Shqipërisë pranë Eurojust, në Hagë.

Laboratori i kokainës në Fushë-Krujë, Eurojust zbulon itenerarin e trafikut: Droga nga Amerika Latine, në Shqipëri përmes Italisë! Më pas shpërndahej drejt vendeve të BE-së

Autoritetet shqiptare arrestuan dhjetë persona të dyshuar si anëtarë të një rrjeti kriminal të trafikimit të drogës gjatë fundjavës, në një operacion të mbështetur nga Eurojust. Gjatë këtij operacioni, u sekuestrua edhe një laborator i sofistikuar për përpunimin e kokainës në Shqipëri. Ky grup kriminal i organizuar shqiptar (OCG) ishte i angazhuar në transportimin e kokainës nga Amerika Latine, përmes Italisë, drejt Shqipërisë, nga ku droga shpërndahej në disa vende të tjera evropiane.

Në vitin 2023, Prokuroria e Posaçme Kundër Krimit të Organizuar (SPAK) nisi një hetim ndaj këtij rrjeti. Gjatë hetimeve u zbulua se ky rrjet ishte i përfshirë në trafikimin e sasive të mëdha të drogës nga Amerika Latine, përmes porteve evropiane, duke e përdorur Shqipërinë si një pikë kyçe hyrjeje për tregun më të gjerë evropian të drogës. Laboratori i sekuestruar përpunonte dhe përgatiste drogën për shitje me shumicë tek rrjete të tjera kriminale në Evropë. Aktualisht, po bëhet vlerësimi i sasisë totale të drogës së trafikuar dhe vlerës së saj në tregun e shumicës.

Përveç laboratorit, gjatë operacionit u sekuestruan:
    •    Rreth 50 tonë materiale të papërpunuara të përdorura për fshehjen e narkotikëve
    •    Mbi 6 kilogramë kokainë
    •    Afërsisht 90 kilogramë substanca të ngurta dhe 50 kilogramë lëngje për përgatitjen e kokainës për tregun me shumicë
    •    Pajisje laboratorike, duke përfshirë presa, aceton, tuba xhami testimi, materiale kimike, mikrovalë dhe qese për paketim
    •    Mbi 50,000 euro para të gatshme në valuta të ndryshme
    •    Karta bankare dhe telefonike, si dhe pajisje të ndryshme për komunikim mobil
    •    Gjashtë automjete

Eurojust ofroi mbështetje për SPAK dhe autoritetet në Reggio Calabria në ekzekutimin e kërkesave për Ndihmë të Ndërsjellë Ligjore nga Shqipëria drejt Italisë. Kjo u realizua përmes Zyrës Kombëtare të Italisë dhe Prokurorit Lidhës të Shqipërisë pranë Eurojust, në Hagë. Shqipëria është një nga dymbëdhjetë vendet jo anëtare të Bashkimit Evropian që ka një Prokuror Lidhës të vendosur në Eurojust.

Operacioni i realizuar fundjavën e kaluar u drejtua nga dhe me kërkesë të:
    •    Shqipërisë: Prokuroria e Posaçme Kundër Krimit të Organizuar (SPAK)
    •    Italisë: Prokuroria Publike e Reggio Calabria; Guardia di Finanza Reggio Calabria/ Eurojust

K.M/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

NATO trajnon trupat ushtarake ukrainase në Lituani dhe Poloni

NATO trajnon trupat ushtarake ukrainase në Lituani dhe Poloni

22 Dhjetor, 21:59