Lady Gaga lahet në një vaskë gjaku?!

Një kameriere e Hotelit Interkontinental në Londër nuk ka asnjë lloj dyshimi: Lady Gaga, gjatë muajit korrik ka bërë një banjë e mbuluar në gjak njeriu, në vaskën e suitës ku ajo po qëndronte prej disa ditësh. Mendohet se diçka e tillë është kryer si rrjedhojë e një riti satanik, ku ka marrë pjesë edhe artistja, shkruajnë faqe të ndryshme interneti. E menjëherë pas lajmit, foto pafund kanë qarkulluar në internet, duke u bërë shkak për thashetheme. Thuhet se në të kaluarën e saj, Lady Gaga është akuzuar si pjesëtare e sekti të famshëm, të ashtuquajtur “Illuminati” që kryejnë rituale të çuditshme, ndërsa dyshime ka edhe për faktin se ngjyra e kuqe që ka marrë vaska mund të ketë qenë, një nga ngjyruesit e ndonjë kostumi skenik te saj.