Lady Gaga, një sirenë
skandaloze për Vizionare 61

Nuk duhet të ketë asgjë skandaloze në një sirenë deti. Ariel, për ata që e mbajnë mend filmin vizatimor, ishte e ndrojtur dhe aspak seksi. Por cdo gjë në duart e Lady Gaga kthehet në skandaloze dhe pak perverse në të njëjtën kohë.

Këtë radhë Gaga është sajuar si një sirenë e përlyer me naftë, për një publikim artistik prestigjiozë, “Vizionaire 61”.

Për imazhin që do promovoj eventin, Gaga është e zhytur në një lëng të zi me flokët bjonde me disa pjesë blu dhe të kuqe.

Fotot janë bërë nga fotografët e famshëm, Inez van Lamsweerd dhe Vinooh Matadin, të cilët kanë punuar me këngëtaren edhe në shumë raste të tjera.

Pamja e parë e Lady Gaga është e shoqëruar nga një mbishkrim, të krijuar nga vetë ajo: “There is no oil too thick to destroy the imagination” (nuk ka naftë aq të trash sa të shkatërroj imagjinatën).