POP 5

Lajmet më të lexuara të 5 minutave të fundit

Sociale

Lagështi në banesa, pikojnë çatitë e pallateve të vjetra në Memaliaj! Bashkia s’paguan firmën, ndërpriten punimet

Në Memaliaj, banorët që jetojnë në pallatet e vjetra vuajnë prej lagështisë, pasi pikojnë çatitë! Bashkia, dy vite më parë nisi punimet për të izoluar këto pallate, por punimet janë ndërprerë pasi nuk ka fonde për të likujduar firmën e ndërtimit. Për pasojë punimet janë ndërprerë

Banorët e kateve të sipërme në disa pallate në qytetin e Memaliajt po vuajnë prej lagështisë në banesa. Tarracat e tyre pikojnë në mot me shi, ndonëse janë bërë disa punime nga bashkia për hidroizolimin.  Cilësia e punimeve ka qenë jashtë çdo lloj parametri teknik, thanë banorët, të cilët hapën dyert e shtëpive për ta treguar tavanët me lagështi.

“Shtëpia na pikon. Para dy vitesh erdhi një firmë që e solli bashkia sa ikën ato, situata u bë me keq. Pikon tavani sepse tarraca është e çarë”, thanë banorët.

Bashkia Memaliaj pranon se firma që fitoi tenderin për izolimin e tarracave te pallateve ka kryer vetëm 75% të punimeve për shkak se është likujduar. Nga tenderi me vlerë 2.9 milionë lek, firma e ndërtimit ka marrë vetëm 2.2 milionë lek, ndaj ka lënë në mes punimet.

“Po është e vertetë se ka lagështi, por nuk ka mbaruar investimi. Vlera e tenderit është 2.9 milion lek dhe nuk është mbyllur si lidikujdim përfundimtar. Kemi kërkuar nga firma të riparojë defektet”, tha Violeta Kanushi inxhiniere në Bashkinë Memaliaj.

Bashkia e Memaliaj nuk merr përsipër të zhbëjë dëmin për këto familje, por thotë se ka aplikuar në projektet e Fondit Shqiptar të Zhvillimit për të kryer punime të tjera hidro- termoizoluese për të gjitha pallatet e vjetra në qytet.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 23/11/2023 02:22

    Nese tenderi i ka pasur supozohet gati 2.9 milion leke dhe firma eshte paguar me 2.2 milion,po 7 si e ku avulloi,apo ne xhepat e atyre qe supozohet t'ja kalonin firmes?!

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33