Lajme të mira për KESH
Rritet niveli i Fierzës

Pas shumë muajsh thatësirë, sot disa orë pas fillimit të reshjeve në pothuajse të gjithë Shqipërinë pritet që rriten disi nivelet e hidrocentraleve në vend. Reshjet e shiut pritet që të rrisin nivelin e ujit në liqenin e hidrocentralit të Fierzës.

KESH tha sot se “në liqenin e Fierzës niveli i prurjeve llogaritet në 240 m3/sek, nga 35 m3/sek që ishin ditët e fundit dhe niveli i liqenit ka arritur në 259,35 metra.

“Në liqenin e Komanit prurjet kanë arritur 700 m3/sek dhe niveli i liqenit është 173,58 metra. Ndërsa niveli i ujit në liqenin e Vaut të Dejës është 74,81 metra, prurjet sot llogariten në 150 m3/sek”, thanë nga KESH.