TIRANË- Ky është projekti për rindërtimin e kopshtit numër 42 në Tiranë, i cili u dëmtua nga tërmeti i 26 nëntorit.

PD-ja akuzoi sot kryebashkiakun, se ky kopsht nuk ishte vënë pjesë e listës së rindërtimit, pasi do të bëhej pallat, por Report Tv ka siguruar projektin e godinës.

Ndryshe nga sa pretendojnë demokratët, në këtë hapësirë është parashikuar ndërtimi i një kopshti dhe një çerdheje, ku siç mund të shikohet edhe në foto, do të vihen në dispozicion të vogëlushëve, 3 godina, ku përfshihen dhe parku i lojërave dhe tarraca të gjelbra.

Më herët ishte zyrtari i Partisë Demokratike Ndriçim Mehmeti i cili hodhi akuza se vendi ku ndodhet kopshti është i lakmuar për biznesin e ndërtimit, por projekti tregon të kundërtën. Puna për ndërtimin e këtij kopshti, sipas burimeve zyrtare nga Bashkia e Tiranës do të nisë shumë shpejt.