POP 5

Lajmet më të lexuara të 5 minutave të fundit

Arkiva

Lame: 67 mijë objekte
pa leje nuk do paguajnë

Janë rreth 200 mijë në total, por rreth 67 mijë objekte të ndërtuara pa leje nuk do të kenë nëvojë të bëjnë asnjë pagesë për legalizimin e ndërtimit. 
Lame: 67 mijë objekte<br />pa leje nuk do paguajnë
TIRANE- Janë rreth 200 mijë në total, por rreth 67 mijë objekte të ndërtuara pa leje nuk do të kenë nëvojë të bëjnë asnjë pagesë për legalizimin e ndërtimit. Fjala është për ndërtesa të kryera në tokën e vet dhe që për të cilat është bërë edhe deklarimi kur shteti e kërkoi një gjë të tillë në vitin 2006, madje një pjesë e tyre e kanë bërë që në 2005-ën. Ka deklaruar kështu dje drejtori i përgjithshëm i Agjencisë së legalizimeve Artan Lame.

Ata që do të paguajnë, janë ata që kanë ndërtuar, jo në tokën e tyre, por mbi truall me tjetër pronar ose në truall shteti, tha si, duke shtuar se “u them qytetarëve ta ndjekin këtë proces, sepse është në të mirën e tyre dhe do të mbyllet me më pak pagesë se sa ka qenë në ligjin që ishte, i cili përveç pagesës së parë kishte edhe shtesa të tjera”.
 
Pagesat
Kreu i ALUIZNI-t ka sqaruar më tej se pagesa për këto kategoritë e pronarëve që nuk përfshihen në objektet e sipërpërmendura do të ndryshojë. Së pari, me ligjin e ri do të përllogaritet parcela sipas vlerës së truallit në zonën përkatëse dhe jo siç ishte me ligjin e vjetër, në të gjitha zonat e barabartë. Pagesa tani e tutje do të jetë 50% e vlerës së truallit, e llogaritur në zonën ku ndodhet. Nëse trualli në Berat është 2 mijë lekë të reja, vlera do të llogaritet 1 mijë lekë të reja, sipas Lames.

Njëkohësisht, parashikohen edhe zbritje të tjera, për shembull 30-50% mund ta paguahen me letra me vlerë, të cilat sot në treg gjenden kundrejt 5% ose 6% të vlerës së tyre nominale dhe falë këtij procesi mund të shkojnë deri në 10%.

Përtej kësaj, pronarët mund të sigurojnë edhe një zbritje tjetër, nëse do të paguajnë brenda një afati 30-ditor, duke përfituar 20% të vlerës së faturës.
Elementi i fundit, tha Lame, ka qenë një këmbëngulje personale e kryeministrit Edi Rama, për zbritjen e pagesës në masën 10% për pagimin e energjisë elektrike. Kjo do të thotë që, pas zbritjeve totale, do të kërkohet pagesa në masën 90%, pjesa tjetër falet, nëse për 2 vite rresht pronari i objektit pa leje ka paguar ose paguan energjinë elektrike.  

Afatet
Masa e madhe e zonave informale do të përfundojë legalizimet brenda 4-vjeçarit të parë, pra në një mandat qeverisës normal, tha drejtori Lame. Sipas tij, njëkohësisht me këto, do të vazhdojë puna edhe me ndërtimet me problematika nga më të veçantat, por këto kërkojnë me tepër kohë. “Nuk duam të gënjejmë askënd”, shtoi ai.
Sipas Lames, deri tani janë të shpallura 127 zona informale. Qeveria do të rishikojë kufijtë e tyre e më pas do të shtohen zona të reja për të përfshirë të gjitha realitetet e krijuara gjatë këtyre viteve. ALUIZNI ka arritur të evidentojë 28 tipologji të ndryshme ndërtimesh.

Redaksia Online
(d.a/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51