Lamtumira për Nina Mulën
U mbajtën homazhet në TOB
Kryetari i bashkisë Lulzim Basha gjatë homazheve e cilësoi sopranon si një burim frymëzimi për një brez të tërë. Familjes i kanë shprehur ngushëllime edhe artistë e miq të 80 vjeçares, e cila u nda nga jeta një ditë më parë.
TIRANË – Në orën 11 në ambjentet e Teatrit të Operas dhe Baletit nisën homazhet në nder të sopranos Nina Mula, e cila ndërroi jetë ditën e djeshme pas një sëmundje të rëndë. Artistë të operas por edhe teatri, miq, politikanë po marrin pjesë në homazhe duke i shprehur ngushëllimet familjes së sopranos së madhe.
Kryetari i bashkisë, Lulzim Basha ka vendosur kurorë me lule dhe është përulur me respekt pranë arkivolit me trupin e pajetë të një prej figurave të mëdha të muzikës klasike shqiptare.
“Nina Mula është burim frymëzimi për një brez të tërë”, tha kryebashkiaku.
Ditën e djeshme, krerët më të lartë të shtetit, presidenti, kryeministri apo kryetarja e Kuvendit ngushëlluan familjen e sopranos së mirënjohur Nina Mula ndërsa e kanë cilësuar vdekjen e saj si një humbje të madhe për skenën shpiptare.
Nina Mula ka lindur në 23 nëntor të vitit 1931 në Rusi. Në konservatorin e Moskës ajo u njoh me studentin shqiptar, Avni Mula, dashuria për të cilin do të bënte të vinte në Shqipëri. Emërohet soliste pranë Teatrit të Operas dhe Baletit, ku punoi deri në daljen e saj në pension në vitin 1976. Vetëm gjashtë muaj pasi kishte ardhur në TKOB, Ninës iu besua roli i Jolantës në veprën me të njëjtin titull të Çajkovskit. Një shfaqje kjo që e afirmoi duke marrë më pas shumë kryerole deri në mesin e viteve ’70.
Në vitin ’58, me partner bashkëshortin, Nina interpretoi rolin e Rozinës në operën “Berberi i Seviljes” me pas interpretoi në “Pranverën” e Tish Daisë.
Ajo u largua nga skena në moshën 45-vjeçare, ndërkohë që do të kishte dashur të qëndronte më gjatë për të realizuar të tjera role. Për aktivitetin e saj Nina Mula është nderuar me shumë çmime, medalje e tituj, si Urdhrin “Naim Frashëri të klasit të II”, titullin “Artiste e Merituar”, Çmimin e Parë në Festivalin e Romancës si dhe titullin “Mjeshtre e Madhe e Punës”.
Sondazhi i ditës:
Listat e deputetëve të hapura në 2/3 dhe jo plotësisht, jeni dakord?
-
Po
26.4%
-
Jo
65.8%
-
Nuk e di
7.8%
Vota total: 3333
Votat totale janë unike
Lajme të tjera
-
Zyrtare/ Keidi Bare mbetet në Spanjë, mesfushori i Kombëtares firmos për tre sezone me ekipin e ri
26 Korrik, 21:19
-
‘TIMS’/ Salianji në Kuvend: Raportin tonë e çojmë në SPAK, kush i bën emërimet e paligjshme?
26 Korrik, 21:16
-
Kaskadori Di Jashari, Gaz Muça dhe djemtë e Rrugës Bardhyl! Esencë-Report Tv
26 Korrik, 21:09
-
Scholz: Duhet të zvogëlohen shifrat e migrimit të parregullt
26 Korrik, 20:50
-
Lojërat Olimpike nisin me doping, zbulohet atleti i parë
26 Korrik, 20:50
-
Sharon Stone: Do largohem nga Amerika nëse fiton Trump
26 Korrik, 20:34
-
Rektori i Bujqësorit thirrje maturantëve: Do përfitoni nga marrëveshja me Universitetin Boku në Vjenë, 95% e të diplomuarve gjejnë punë
26 Korrik, 20:34
-
Pakti PS-PD, kush fiton dhe kush humbet?
26 Korrik, 20:31
-
VIDEO/ Fillojnë Lojërat Olimpike, shikoni parakalimin e ekipit të Shqipërisë në Paris
26 Korrik, 20:05
-
Dashuri në Paris, propozim për martesë para Lojërave Olimpike! Ajo tha ‘po’
26 Korrik, 19:36
-
Nga ‘sevapi’ i Damianit për Berishën te Salianji 4 vite në Apel
26 Korrik, 19:21
-
Edhe Shabani si Lapaj: Do e ankimojmë Kodin e ri Zgjedhor në Kushtetuese! PD dhe PS na imponojnë mungesën e demokracisë në partitë e tyre
26 Korrik, 19:18