POP 5

Lajmet më të lexuara të 5 minutave të fundit

Kronikë

Largimi i Ardi Veliut, kush janë 26 kandidatët për kreun e AMP-së! Mes tyre edhe ish-drejtues në polici

26 kandidatë aplikuan për kreun e Agjencisë së Mbikëqyrjes Policore, pas dorëheqjes së Ardi Veliut një muaj më parë. Report Tv mëson se në mesin e 26 emrave janë ish-drejtues në polici, nga Akademia e Sigurisë, drejtues rajonal të AMP-së që kërkojnë të katapultohen në postin kryesor të institucionit apo edhe rikthime

26 kandidatë aplikuan për kreun e Agjencisë së Mbikëqyrjes Policore, pas dorëheqjes së Ardi Veliut një muaj më parë. Report Tv mëson se në mesin e 26 emrave janë ish-drejtues në polici, nga Akademia e Sigurisë, drejtues rajonal të AMP-së që kërkojnë të katapultohen në postin kryesor të institucionit apo edhe rikthime.

Në mesin e emrave që ka shfaqur interes për karrigen e lënë bosh nga ish-kryepolici Ardi Veliu është Florian Sulejmani, i cili në të njëjtin institucion ka qenë drejtues i Drejtorisë së Verifikimit të Pastërtisë së Figurës dhe Monitorimit të Brendshëm, por që disa muaj më parë u largua nga detyra. Më tej, në listë janë emra si Durim Sota, i cili ka mbajtur detyrën e kreut të AMP rajonale në Vlorë-Gjirokastër.

I larguar nga detyra pak javë më parë si kreu i Njësisë C në Policinë e Shtetit, Hergis Jica, ka shfaqur interes. Në mesin e emrave është edhe ai i Alma Katragjinit, e cila ka mbajtur postin e zëdhënëses së Policisë së Tiranës. Megjithatë, tashmë lista është reduktuar në vetëm 5. Ministri i Brendshëm Taulant Balla pritet të zgjedh njërin prej tyre për t’ia propozuar Kryeministrit.

Kandidatet që aplikuan
1. Indrit Hitaj
2. Florian Sulejmani
3. Alma Katragjini
4. Durim Sota
5. Melton Bllakaj
6. Denis Vasia
7. Hergis Jica
8. Xhavit Shala
9. Gentjan Shehaj
10. Luan Mema
11. Behar Gançi
12. Sami Rasha
13. Dritan Osmani
14. Kristaq Dashi
15. Ardian Marku
16. Artur Beu
17. Fatjon Malaj
18. Kreshnik Koka
19. Gëzim Cenaj
20. Ibrahim Disha
21. Pal Shkëmbi
22. Nikolin Kola
23. Medi Kuçi
24. Ramadan Çaço
25. Olgerta Ndoja
26. Robert Sevaj

Rendit zhvillimet sipas orarit:
Ora 10:30
Zëvendësuesi i Ardi Veliut, Balla: Brenda kësaj jave i propozoj kryeministrit drejtuesin e ri të Agjencisë së Mbikëqyrjes Policore

 

Ministri i Brendshëm Taulant Balla dha sot (21 nëntor) lajmin se ka përfunduar procesi për zgjedhjen e drejtuesit të ri të Agjencisë së Mbikëqyrjes Policore. Ai tha se është zhvilluar një konkurrim mes 26 personave, 5 prej të cilëve ia dolën të ishin pjesë e listës përfundimtare.

Balla shtoi se brenda javës, do t’i propozojë kryeministrit Edi Rama drejtuesin e ri të AMP.

“Meqë më dhatë mundësinë të komunikoj me ju dua të ndaj me ju lajmin se kemi përmbyllur procesin e drejtuesit të ri të drejtuesit të AMP. Kanë konkurruar 26 kandidatë, mbërritëm në një short-listë me 5 kandidatura dhe besoj se brenda kësaj jave, do t’i propozoj kryeministrit drejtuesin e ri”- tha Balla.

Ndërsa sa i takon Ardi Veliut i cili dha dorëheqjen nga posti i drejtorit të institucionit në 23 tetor, Balla nuk dha informacione mbi postin që pritet të marrë ish-drejtori i Policisë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Genti: 21/11/2023 18:03

    Vetem Tan Mezja mungon

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Skuadra më e ndjekur në botë s'është në Evropë, lihet pas Dortmundi! Inter 'mbret' në Itali

Skuadra më e ndjekur në botë s'është në Evropë, lihet pas Dortmundi! Inter 'mbret' në Itali

27 Dhjetor, 14:40