POP 5

Lajmet më të lexuara të 5 minutave të fundit

Sociale

Laura, njihuni me italianen që la Bolzanon për Roskovecin! Flet për Report Tv: Shqipëria, vend i sigurt dhe miqësor

Laura Sturaro është 44 vjeçarja italiane që ka lënë Bonzaton për Shqipërinë, ku tashmë është zhvendosur për të jetuar në vendlindjen e bashkëshortit të saj, në Roskovec të Fierit. Ajo tashmë ka marrë edhe nënshtetësisë shqiptare ndërsa thotë se Shqipëria është një vend i sigurt për të jetuar dhe njerëzit, miqësorë.

Fier- Shumë shqiptarë kanë braktisur ndër vite vendin, në kërkim të një jete më të mirë përtej brigjeve, në Itali, por jo të pakët janë edhe italianët që zgjedhin Shqipërinë për të jetuar.

Në mesin e tyre, është Laura Sturaro, 44-vjeçarja që la Bonzanon për dashurinë, duke zgjedhur pas thuajse dy dekadash martesë të jetojë në vendlindjen e bashkëshortit shqiptar.

Laura Sturaro është e martuar me Altin Gjokën, nga Roskoveci i Fierit prej thuajse 20 vitesh ndërsa 4 vite më parë ka ardhur të jetojë në Shqipëri. Këtë nëntor, ajo ka arritur të marrë edhe nënshtetësinë shqiptare.

Laura nga martesa me Altinin, ka tre vajza që kanë lindur në Itali e që tashmë jetojnë bashkë me nënën e tyre në fshatin Kurtjan të Roskovecit.

Krahas gjuhës të mësuar në mënyrë perfekte, për shkak të jetesës për më shumë se 2 dekada me Altinin, Laura dhe vajzat e saj po mësojnë edhe zakonet shqiptare.

Për Report Tv Laura thotë se ka vendosur të jetojë në Shqipëri, pasi për të është një vend më i sigurt dhe njerëzit më miqësorë.

“Është një vend i qetë për njerëzit këtu jetoj dhe gjej qetësi. Njerëzit janë shumë të mirë, nuk kam patur problem me njerëzit, ata të ndihmojnë” thotë ajo.

Edhe vajzat, duket se janë përshtatur shumë mirë me jetesën në Kurtjan të Roskovecit.

“Tre vajzat e mia e duan shumë Shqipërinë dhe thonë që ne nuk ikim më në Itali. Vajzat kanë lindur në Itali, dy prej tyre po mbarojnë gjimnazin në Kurtjan, ndërsa njëra po punon nga shtëpia, tregon Laura.

Në banesën e vogël në fshatin Kurtjan, Laura kujdeset edhe për vjehrrën e saj 76 vjecare, nënën e Altinit, i cili jetesën vijon ta ndajë mes Shqipërisë e Italisë për shkak të punës.

S.G/E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Dhuna në Oborrin Mbretëror, Spahia: Princ Leka do ankimojë vendimin, i motivuar politikisht! Çaça: Duhej të ishte dënuar edhe Elia

Dhuna në Oborrin Mbretëror, Spahia: Princ Leka do ankimojë vendimin, i motivuar politikisht! Çaça: Duhej të ishte dënuar edhe Elia

22 Janar, 22:40