Lavrov: Stop akuzave ndaj Moskës
për çdo gjë që ndodh në SHBA

​ Rusia hedh poshtë çdo përpjekje për të identifikuar fajin ndaj Moskës për çdo gjë negative që po ndodh në SHBA, tha ministri i jashtëm rus Sergej Lavrov në takimin e së premtes me një delegacion të ekspertëve amerikanë të kryesuar nga Presidenti i Qendrës për Interesin Kombëtar Dmitri Simes.

"Ne denoncojmë përpjekjet për të akuzuar Rusinë për çdo gjë që ndodh negative në SHBA", tha ai.

E gjithë bashkësia ndërkombëtare është e interesuar në forcimin e bashkëpunimit midis Rusisë dhe SHBA-ve, theksoi Lavrov.

Diplomati më i lartë i Rusisë ka vënë në dukje se Moska nuk dramatizon situatën ekzistuese në marrëdhëniet dypalëshe.

"Ne e kuptojmë se kjo fazë do të përfundojë. Jam i bindur se mençuria dhe pragmatizmi i popullit amerikan do të mbizotërojnë përfundimisht", pohoi ministri i jashtëm rus.

"Ne kemi shumë probleme që duhet të adresohen së bashku, jo vetëm vendet tona, por i gjithë komuniteti global është i interesuar në të," vuri në dukje Lavrov, duke përmendur bashkëpunimin midis Rusisë dhe SHBA-së në Siri si një shembull.

"Kjo është një provë se si është e mundur të kapërcehen polemikat dhe të përqëndrohen në qëllimet e përbashkëta", vuri në dukje diplomati rus.

Lavrov beson se nevojitet bashkëpunim i sinqertë dhe i hapur kur merren me probleme të tjera, të tilla si mospërhapja e armëve të shkatërrimit në masë dhe sulmet terroriste në Lindjen e Mesme dhe përtej kufijve të saj.

"Unë jam i bindur se e gjithë bota po e pret dhe do të thithë një psherëtimë lehtësie nëse ky bashkëpunim (midis Moskës dhe Uashingtonit) do të ishte në vend," theksoi ministri.

"Ne denoncojmë përpjekjet për të nxitur akuzat kundër Rusisë për çdo gjë negative që ndodh në SHBA në këtë diskutim, theksoi ai. "Unë mendoj se çdo person me mend në kokë mund të shohë absurditetin e tyre".

Redaksia Online
a.dr/shqiptarja.com