POP 5

Lajmet më të lexuara të 5 minutave të fundit

Kosova & Rajoni

LDK-ja kërkon vendosjen e bustit të Rugovës në Prizren, Hodaj për Report Tv: Një figurë e madhe historike

Lidhje Demokratike e Kosovës kërkon vendosjen e shtatores së ish-presidentit të Kosovës, Ibrahim Rugova në Prizren. LDK-ja beson se Kuvendi i Prizrenit do të përkrahë kërkesën e saj.

Lidhje Demokratike e Kosovës kërkon vendosjen e shtatores së ish-presidentit të Kosovës, Ibrahim Rugova në Prizren.

Shefi i Grupit të Kuvendarëve të LDK-së në Prizren, Haziz Hodaj, tha për Report TV se LDK-ja i ka propozuar Kryetarit të Prizrenit që shtatorja të vendoset te ‘Sheshi i Lidhjes’.

“Si drejtues i Kuvendarëve të Prizrenit kam bërë ftesë që të vendoset shtatorja e Rugovës, një figurë e madhe historike. Besoj se do ketë mirëkuptim në Këshill dhe së shpejti do të bëhet realitet. Presidenti Ibrahim Rugova e quante Prizrenin kryeqytet historik të shqiptarëve dhe e kishte pikë të dobët Prizrenin! Sot është kërkesë e popullit që të vendoset kjo shtatore”, tha Hodaj.

Ibrahim Rugova ishte një politikan, studiues dhe shkrimtar shqiptar i Kosovës dhe një ndër bashkëthemeluesit e Lidhjes Demokratike të Kosovës (LDK). Ai ishte Presidenti i Parë i Republikës së Kosovës nga viti 1992 deri në vitin 2000 dhe sërish nga viti 2002 deri në vdekjen e tij në vitin 2006.

 

B.K/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça