POP 5

Lajmet më të lexuara të 5 minutave të fundit

Arkiva

“Der Spigel” shkruan ‘Cameron 
kundër Merkel për Presidentin e KE’

Kryeministri britanik David Cameron ka dalë kundër kancelares gjermane Angela Merkel lidhur presidentin e ardhshëm të Komisionit Evropian. Lajmin e bëri të ditur gazeta gjermane “Der Spigel”, e cila shkruan se kryeministri britanik paralajmëroi se Britania do të linte BE nëse ish-kryeministri i Luksemburgut, Jean Claude Juncker, zgjidhet president i Komisionit Evropian. VIDEO
Kryeministri britanik David Cameron ka dalë kundër kancelares gjermane Angela Merkel lidhur presidentin e ardhshëm të Komisionit Evropian. Lajmin e bëri të ditur gazeta gjermane “Der Spigel”, e cila shkruan se kryeministri britanik paralajmëroi se Britania do të linte BE nëse ish-kryeministri i Luksemburgut, Jean Claude Juncker, zgjidhet president i Komisionit Evropian. 

Sipas saj Cameron ka thënë se caktimi i tij në këtë post mund të destabilizonte qeverinë e tij dhe do sillte mbajtjen e referendumit lidhur me anëtarësimin e Britanisë në BE. 

Lidhur me këtë çështje “Downing Street” ende nuk ka komentuar asgjë, por ka theksuar se janë qeveritë e vendeve dhe jo parlamenti evropian ato që duhet të bien dakord për presidentin e komisionit evropian.

Partia Popullore Evropiane e Juncker-it fitoi numrin më të madh në Parlamentin Evropian në votimet e majit. 

Partia e qendrës së djathtë e cila përfshin gjithashtu edhe partinë Kristian Demokrate të kancelares Angela Merkel, fitoi 213 nga 751 vende në parlament dhe zgjodhi zotin Juncker si kandidat për presidencën që aktualisht drejton portugezi Jose Manuel Barroso. 

Por David Cameron dhe disa liderë të tjerë evropianë kanë dalë kundër zgjedhjes së tij në këtë detyrë. Korrespondentët thonë se Cameron, i cili i bëri të qarta pikëpamjet e tij në një samit jozyrtar në fillim të javës, donte që një reformator të merrte përgjegjësinë e ekzekutivit të BE-së. 

Sipas gazetës, Cameron i ka thënë Merkelit se një figurë e viteve ’80 nuk mund të zgjidhë problemet e 5 viteve të ardhshme. 

Njoftimi erdhi një ditë pasi Angla Merkel e shprehu qartë mbështetjen e saj për zotin Juncker. Tradicionalisht kreu i komisionit zgjidhej nga liderët evropiane, por me rregullat e reja ata duhet të marrin në konsideratë rezultatet e zgjedhjeve evropiane.
 
Redaksia Online

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident në aksin Librazhd- Prrenjas, trajleri del nga rruga, s'ka të lënduar

Aksident në aksin Librazhd- Prrenjas, trajleri del nga rruga, s'ka të lënduar

11 Janar, 17:49