“Droga” e Rezarta Shkurtës me videoklip

Këngëtarja Rezarta Shkurta, e cila sapo promovoi në programin festiv të RT21 këngën e saj të titulluar “Droga Jam”, ka premtuar se do të realizojë edhe një videoklip. Madje këngëtarja ka pranuar se plot 5 vite pas albumit të saj të parë, ka vendosur të hedhë në treg të dytin, për të cilin duket se po punon fort, por nuk ka deklaruar saktësisht se kur do të jetë gati për t’u hedhur në treg. “Është një adrenalinë dhe lumturi e pashpjegueshme kur lodhesh për diçka që do më shumë se gjithçka dhe në rastin tim është muzika”-thekson Rezi e cila nuk bën të ditur asgjë më shumë rreth albumit të saj që është duke punuar me mjaft përkushtim.