POP 5

Lajmet më të lexuara të 5 minutave të fundit

Media

“Fiks Fare” zbardh incidentin
e inagurimit të tunelit

Emisioni “Fiks Fare” zbardhi me plane incidentin e ndodhur dy ditë më parë gjatë inaugurimit të tunelit të Kërrabës mes punonjësve të Gardës së Republikës dhe operatorit të këtij emisioni.
“Fiks Fare” zbardh incidentin<br />e inagurimit të tunelit
TIRANE - Emisioni “Fiks Fare” zbardhi me plane incidentin e ndodhur dy ditë më parë gjatë inaugurimit të tunelit të Kërrabës mes punonjësve të Gardës së Republikës dhe operatorit të këtij emisioni. Emisioni “Fiks Fare” denoncoi dje aktin e paprecedent të kërcënimit të operatorit të tij dhe sekuestrimit të kasetës filmike të xhirimeve gjatë një aktiviteti publik, siç ishte ai i inaugurimit të Tunelit të Kërrabës.

Pak minuta pas përfundimit të inaugurimit të këtij tuneli, ndodhi një incident, ku Garda dhe rojet personale të kryeministrit ndaluan grupin e xhirimit të emisionit “Fiks Fare”. Në pamjet filmike që transmetoi “Fiks Fare”, duket që vetë kryeministri interesohet për këtë kamera, e cila është duke xhiruar përgatitjet e tij pak minuta përpara fillimit të fjalimit në ceremoninë e inaugurimit.

Në këto sekuenca filmike të transmetuara në “Fiks Fare”, punonjësit e Gardës së Republikës kërkojnë me insistim që të sekuestrojnë kasetën filmike si dhe pranojnë se urdhrin për largimin e operatorit të “Fiks Fare” nga aktiviteti e ka dhënë zëdhënësja e kryeministrit.

“Fiks Fare” transmetoi të plotë pamjet e incidentit me operatorin Eno Çuçllari si dhe pamjet për të cilat u dha urdhri për ndalimin e xhirimeve nga kameramani. Në këtë bisedë punonjësit e Gardës së Republikës kërcënojnë se do të thërrasin policinë nëse operatori nuk do t’u japë kasetën me xhirimet e ceremonisë së inaugurimit të tunelit

Mesa duket këtë radhë shqetësimi nuk ka qenë pjesëmarrja në mitingje, e cila ka kohë që është në investigimin e emisionit “Fiks Fare”, por lëvizjet dhe përgatitja e vetë kryeministrit përpara fjalimit që do të mbante me këtë rast. Urdhri i Gardës së Republikës është i paprecedent dhe dhunon të drejtën që rrjedh nga Kushtetuta e vendit për informim.

Shkrimi u botua sot në gazetën Shqiptarja.com (print) 18.06.2013
 
Redaksia Online
(b.m/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit

28 Nëntor, 23:04