“Luftë” në Ballkan?! Rusia dërgon
në Serbi dy avionë luftarakë

Pas “luftës” mes SHBA dhe Koresë së Veriut, një tension i ashpër duket se do të hapet edhe në Ballkan. Tensioni po provokohet nga Rusia, e cila ka dërguar dy avionë luftarakë MiG-29 në Serbi. Avionët janë dërguar nga një aeroplan transportues, Antonov-124, dhe marrëveshja përfshin dërgimin e gjashtë avionëve në vendin ballkanik, dhe që mund të rrisë tensionet Lindje-Perëndim në Ballkan, shkruan rel.

Avionët rusë MiG ofrohen nga Moska pa pagesë dhe janë shkarkuar në aeroportin ushtarak në periferi të Batajnicës, në Beograd. Riparimi dhe rinovimi i këtyre mjeteve pritet të kushtojë rreth 235 milionë dollarë.

Ndërkohë, katër avionët e tjerë do të mbërrijnë në Serbi para 20 tetorit, për t’u ekspozuar në Beograd gjatë paradës në Ditën e Çlirimit. Gjithashtu, Rusia do të ofrojë falas edhe 30 tanke T-72 dhe makina patrullim.

Redaksia Online
D.Ç./Shqiptarja.com