“National Geographic” ishte raciste,
e pohon redaktorja Susan Goldberg

Redaktorja e revistës amerikane “National Geographic”, Susan Goldberg, në një intervistë për edutorialin e prillit  të kësaj reviste, pohoi se kjo e fundit ishte raciste.

“Ajo injoroi amerikanët jo të bardhë dhe tregoi për  grupe të ndryshme si ekzotike ose të egra, duke përhapur çdo lloj klisheje”, tha redaktorja Susan Goldberg.

Edicioni i revistës për muajin prill, i është dedikuar racës dhe i ka kërkuar një historiani të shikojë çështjet e kaluara. Revista vendosi të rishqyrtojë mbulimin e saj për të kujtuar 50 vjetorin e vrasjes së kreut të të Drejtave Civile, Martin Luther King.

"Le të përballemi me përdorimin e turpshëm të racizmit të sotëm si një strategji politike dhe të provojmë se jemi më të mirë se kjo", shkroi Goldberg në një editorial të titulluar "Për dekada, mbulimi ynë ishte racist".

Zonja Goldberg tha se disa prej materialeve arkivore të revistës e lanë “pa fjalë”, duke përfshirë një fotografi të aborigjenëve australianë me 1916 me titullin "shokët e zinjë të Australisë Jugore”.

I pyetur për të shqyrtuar mbulimin e saj, profesori i universitetit të Virxhinias John Edwin Mason tha se “National Geographic” kishte shërbyer vetëm për të përforcuar qëndrimet raciste në një revistë me autoritet të jashtëzakonshëm.

Ai tregoi se deri në vitet 1970 revista nuk përfillte amerikanë jo të bardhë, duke i treguar ato vetëm si punëtorë apo staf shërbëtorësh.

Prof Mason po ashtu vuri në dukje fotot e vendasve që ndesheshin me teknologjinë perëndimore,  duke krijuar një ndarje "ne dhe ata" dhe "të qytetëruar dhe të paqytetëruar”.

Por historiani e pranoi edhe punën e mirë që revista bëri gjatë kësaj periudhe, duke i shfaqur lexuesit të saj botën më të gjerë.

"Është e mundur të thuhet se një revistë mund të hapë sytë e njerëzve në të njëjtën kohë që i mbyll ata," tha ai.

Redaksia Online
A.S/Shqiptarja.com