“Parku Mambi” për fëmijë për herë
të parë në teknikën e hologramit

Për herë të parë në Shqipëri do të vihet në skenën e Teatrit Eksperimental “Kujtim Spahivogli” premira për fëmijë “Parku Mambi” në teknikën e hologramit.

Kjo teknikë e re inovative teatrore është e gërshetuar me projeksionin, videoanimacionin, interpretimin aktorial, koreografisë dhe këndimit. I ftuar në emisionin e mëngjesit “Rreze Dielli” regjisori i shfaqjes Nelson Mulla tha se kjo teknikë e re sjell inovacionin edhe në shfaqjet teatrale.



Premiera “Parku Mambi” fton të gjithë vogëlushët duke filluar nga dita e shtunë dhe e dielë në ora 10:30.Përmes kësaj shfaqjeje mjaft argëtuese, ku me anë të lojrave, vet fëmijët do jenë protagonistë, ata do të marrin mesazhe mjaft të rëndësishme, ku më kryesori është ai i varësisë nga bota virtual. 



Shfaqja do të interpretohet nga një kastë aktorësh Aldjon Matarangasi, Françeska Hysi, Anderson Gurra, Kristiana Dodaj, Erlin Visha.



Redaksia online
(s.m/shqiptarja.com)