POP 5

Lajmet më të lexuara të 5 minutave të fundit

Politikë

“Ramafobia”, makineria
mediatike kundër njeriutSi e sulmuan Alush Shima dhe Bezhani

Libri “Ramafobia” i Pëllumb Meçanit shtjellon me argumente dhe fakte arkivore, sesi fobizmi kapërceu të gjithë kufijtë njerëzor me sulmet kundër liderit aktual të PS-së, Edi Ramës dhe u kthye në “një krim ndaj dinjitetit njerëzor”.
“Ramafobia”, makineria<br />mediatike kundër njeriutSi e sulmuan Alush Shima dhe Bezhani
TIRANE - “Berisha i fuqishëm i viteve ’90, në vitin 2000 e konsideronte veten të rrethuar nga makthe, të cilat nuk arrinte dot t’i kontrollonte. Megjithëse ishte Berisha ai që kontribuoi i pari në krijimin e Ramafobisë, ajo ishte një dukuri që shkoi përtej një lideri partiak të vetëm. Siç do të shikojmë gjatë rrugës së përshkrimit të këtij fenomeni, ishin të shumtë ata PD-uca të vegjël, që kishin lëshuar veten të kapur nga retorika e frikës, fobisë”. Kështu shkruan Pëllumb Meçani në librin e tij analitik “Ramafobia” ndërsa shtjellon me argumente dhe fakte arkivore sesi kjo dukuri i kapërceu të gjithë kufijtë njerëzor me sulmet kundër liderit aktual të PS-së, Edi Ramës.

Autori i këtij libri duke e mbështetur materialin studimor mbi dukurinë e fobisë ndaj tjetrit, që në shoqërinë e sotme konsiderohet si një dukuri anakronike pas çdo hapi të analizës së tij, me referenca të sakta nga artikujt e gazetave nxjerr në dritë  përpjekjeve të jashtëzakonshme të liderit të PD-së dhe kryeministrit të Sali Berisha për të denigruar Edi Ramën me çdo mjet deri në shpërdorimin e detyrës dhe të pushtetit superior.

Pëllumb Meçani me këtë libër ka arritur në konkluzionin se “themelet e Ramafobisë u ndërtuan mbi një linjë dizinformimi, shpifjeje dhe mashtrimi bashkë, thjesht për të asgjësuar politikisht një njeri. Autori i Ramafobisë ka marrë përsipër misionin të zbardh këtë të vërtetë historike, ku shprehet me këmbëngulje se “Ne që e kemi ndjekur dhe që e kemi parë me sytë tanë që pyesim vazhdimisht nëse kjo qe një rrjedhojë normale e evolucionit politik të shqiptarëve, nuk do të pushojmë së treguari atë.
 
MISIONI I FOBISTËVE NË PARTINË DEMOKRATIKE
 
Pëllumb Meçani evidenton titujt e disa gazetave, faksimilet e te cilave qëndrojnë si dëshmi në territorin analitik të këtij libri; “Do të vazhdonin të nxirrnin në gazetën Rilindja Demokratike tituj të tillë si: “Edi Rama ky falsifikator”; “Taksapaguesve iu zhvatën 996 milionë për fushatën e Ramës”; “Dëshpërimi i socialistëve me Edi Ramën”; “Edi Rama, paradë Nudo në ballkonin e shtëpisë”, etj. Ja si i argumenton P. Meçani Këto fakte: “Kështu gjithë misioni i fobistëve të PD-së ishte që nëpëmjet shtypit nëpër foltoret e podiumeve, në debatet televizive t’u shpallte shqiptarëve se “Edi Rama nuk duhet të ishte kryebashkiak i Tiranës”.

Pas këtyre sulmeve që rendit Meçani sjell faktin sesi servilosësit u sfiduan duke mbetur si “simbol i dështimit” më 2 tetor 2000, me fitoren e rëndësishme të Edi Ramës si kryetar i bashkisë së Tiranës. Autori i librit e ka konsideruar Edi Ramën si një katalizator në një mjedis politik anadollak e konservator ku nuk nuk përjashton nga ky mjedis as Sali Berishën, as Fatos Nanon. Ndërsa libri sjell argumente të njëpasnjëshme të triumfit të një politikani modern dhe largpamës “në bazë të sukseseve. Sot kur ne shkruajmë ai është zotërues i një fuqie politike të madhe në Shqipëri” paraqet argumentin e  tij Pëllumb Meçani.

Shkrimi u botua sot në gazetën Shqiptarja.com (print)16.06.2013
 
Redaksia Online
(b.m/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë

GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë

27 Nëntor, 21:39