Gjykata e Rrethit Fier pas zgjedhjeve të 2009, ka dënuar komisionerët e Komunës së Ruzhdies në këtë qark që akuzoheshin për braktisje të detyrës.

Përfaqësuesit e Partisë Demokratike dhe asaj Socialiste lanë detyrën në zgjedhjet parlamentare të 28 qershor të 2009, duke kryer shkejle ligjore për të cilën u paditën në prokurori.

Pas gjykimit, gjykata ka dënuar me nga 7 muaj burg komisionerët e PD, ndërkohë që 3 komisionerët e PS u dënuan me nga 1 mijë euro gjobë, të cilën duhet ta paguanin. Ndërkohë që nuk kanë munguar as akuza të tjera, të cilat kaluan me gjoba të lehta.