“S’kemi nevojë për tjetër hajdut”/
Patozi ironizon Bashën: Me Metën apo Thaçin e ke?

Ish-deputeti demokrat Astrit Patozi, rival i Lulzim Bashës për drejtimin e kësaj partie, e ka “thumbuar” sërish këtë të fundit për deklaratën e sotme kur kritikonte nismën e Edi Ramës për një president të përbashkët mes Shqipërisë dhe Kosovës, me pretendimin se dy vendet nuk kanë nevojë për një tjetër hajdut.

Patozi është treguar i ashpër duke e quajtur “idot” reagimin e Bashës dhe duke i drejtuar një pyetje, e ka vënë në vështirësi liderin e opozitës duke nënkuptuar se me deklaratëmn e tij se nuk kemi nevojë pë një tjetër president hajdut, i bie që indirekt Basha të konsideronte hajdutë edhe persidentët aktuale të dy vendeve, Ilir Metën dhe Hashim Thaçin.

Reagimi i Patozit në Facebook:

KUSH JANË HAJDUTËT E TJERË, LULZIM?

Kosova dhe Shqipëria nuk paskan nevojë për një hajdut më shumë, ndaj edhe idea e Edi Ramës për një president të përbashkët nuk paska vlerë. Kështu paska thënë sot me plot gojën Lulzim Basha.

Pyetja është se kush janë hajdutët e momentit dhe këtu nuk ka shumë vend për dilema. Pasi të dy shtetet shqiptare kanë vetëm nga një president, aktualisht.

Por më e rëndë se kjo qenka mllefi i Lulzimit për "klasën politike" shqiptare të këtej dhe andej kufirit. A thua se ka zbritur në Shqipëri sot dhe nuk ka qenë asnjë ditë ministër, kryetar bashkie apo udhëheqës i opozitës.

Edhe mua ma shpif kjo gjoja shpikja e Edi Ramës për president të përbashkët të Shqipërisë dhe Kosovës, por kurrësesi për arsyen idjote të Lulzim Bashës. I cili fiton më shumë kur nuk flet apo shkon me pushime jashtë shtetit çdo fundjavë, sesa kur shprehet apo kur bën sikur e ka seriozisht aksionin politik.

Reagimi i Astrit Patozit në Facebook

s.k/Shqiptarja.com