“Shqipëria, në grupin e vendeve me rreziqe sociale në rritje”

Shqipëria u rendit në mesin e vendeve me potencial të lartë të riskut social që ndikojnë edhe në klimën e të bërit të biznes, sipas Forumit Ekonomik Botëror, i cili renditi rreziqet në rritje që kanosin botën për këtë vit dhe një parashikim të ecurisë së tyre deri më 2030. Në pesë grupet e mëdha të rreziqeve: ekonomik, social, ambiental, gjeopolitik dhe teknologjik, Shqipëria bën pjesë në grupin e dytë, me një zhvillim kaotik urban dhe emigracion të lartë, që sipas studimit, ndikojnë në një klimë jo të mirë për të bërë biznes.