“Spiunët”, kush penalizohet
ligji ‘pensionon’ Sali Berishën

TIRANE- Në mars të 2012 ka qënë një përpjekje e një grupi me të vërtetë shumë të përkushtuar për t’i dhënë vendit një ligj “Lustracioni” dinjitoz dhe në përputhje me të gjitha ligjet e vendit por dhe normat ndërkombëtare.

Tryeza e Grupit për të Drejtat e Njeriut hartoi draftin e ligjit për “Lustracionin”, ku morën pjesë kreu i kësaj shoqate Elsa Ballauri, ish-kryeministri Aleksandër Meksi, ish-zv. presidenti i Asamblesë Parlamentare të KiE, Aleksandër Biberaj, si dhe juristët Genci Terpo e Olsi Baze.

“Ky projektligj është i përmirësuar e godet krimin ekonomik, por dhe mënjanon ata që duhen mënjanuar e ata që mund të shantazhohen dhe mund të përdoren ende si vegla në dëm të shqiptarëve”, tha atë kohë ish-kryeministri Meksi, njëri prej iniciatorëve e hartuesve të këtij drafti.