Fejzi Kodra zotëron pjesën më të madhe të aksioneve të ish Hotel "Vollga" në Durrës.
Reagimi vjen dy ditë pasi në media u publikuan dokumente ku tregohej Shullazi ka marrë përmes shtrëngimit për dhënie pasurie këtë hotel. Sipas dokumenteve, Shullazi e ka marrë këtë pronë përmes një akt-dhurimi që i është bërë nga kompania “Saudi Brothers” që ka një pjesë të aksioneve në këtë hotel.
Por pjesa tjetër e pronarëve, mohojnë të kenë dijeni mbi këtë marrëveshje mes Shullazit dhe Saudi Brothers, çka shton edhe më tepër misterin sesi kjo pronë ra në duart e tij.
Letra e plotë
"Unë Fejzi Kodra, me qëllim që të bëj qartësi të plotë mbi çështjen aq të përfolur të dhurimit te nje pjese te hotel Vollges, Durres, e shoh me vend te jap sqarimet qe vijojne:
Me dt 13/11/2014 kam firmosur kontraten e blerjes se nje siperfaqe trualli prej 1749 mq, (tek ish hotel Vollga Durres), i cili ishte prone e regjistruar e kompanise Saudi Brothers. Duke qene se i gjithe trualli i regjistruar ne emer te tyre ishte 2498 m2, pjesa e mbetur prej 749 m2, e pandare, mbetej ne zoterim te tyre.
Pagesa u krye me transferte te rregullt bankare ne llogarine e kompanise Saudi Brothers. Per financimin tim kontribuoi nje miku im i afert, biznesmeni Luan Leka, me te cilin kishim nje projekt investimi, mbi bazen e nje kontrate legale noteriale.
Mbas ketij transaksioni, sic duket edhe nga dokumenti hipotekor i dt 17/11/2014 ne pronesine time kaloi 70% e siperfaqes dhe Saudi Brothers mbetej pronar i 30% te siperfaqes ne pjese te pandara.
Per sqarim dua te theksoj qe transaksioni i kryer nuk ka asnje lidhje me kompanine Eurocol ku unë punoj apo me ortaket e kesaj kompanie.
Nderkohe nuk kemi pasur dijeni per veprimet e mepasme te kompanise Saudi Brothers, perfshire aktin e dhurimit per te cilin mesuam vetem ne keto dite nepermjet mediave. Sic duket ne dokumentat hipotekore kjo kompani i ka dhuruar ne nje kohe me te vone, pjesen e saj te pasurise me sip 749 mq,nje personi te trete, te cilin as e njohim dhe as e kemi takuar ndonjehere. Kjo duket qarte edhe ne aktin e dhurimit qe eshte firmosur vetem nga administratori i kompanise Saudi Brothers.
Ne kete proces ne konsiderohemi pale e demtuar dhe po pregatisim proceduren gjyqesore ndaj kompanise Saudi Brothers ne lidhje me demin ekonomik qe na ka shkaktuar".
Redaksia Online
Shqiptarja.com
