POP 5

Lajmet më të lexuara të 5 minutave të fundit

Kronikë

Itali/ Sekuestrohen 450 kg drogë dhe armë, dyshohet për trafik të paligjshëm nga Shqipëria (VIDEO)

Pas kontrollit u gjetën në varkë 450 kilogramë marihuanë e ndarë në 219 pako; 75 kilogramë hashash e ndarë në 31 pako; 3.5 litra vaj hashashi me një peshë prej 3 kilogramësh, dy armë kalibri 4,5mm, pushkë, një pistoletë e tipit 'Beretta' kalibër 4,5 mm, një pistoletë kalibër 8mm me 23 fishekë.

Më shumë se 500 kg drogë të sekuestruara, së bashku me disa armë zjarri dhe arrestimin e një personi, ky është rezultati i arritur gjatë një operacioni të zhvilluar nga Guardia di Finanza e Leçes, në Itali.

Gjithçka filloi kur gjatë patrullimit të Njësisë policore Ekonomiko-Financiare në Rrugën Lecce-Torre Chianca, u vu re se një automjet jashtë rrugës po tërhiqte përmes një kareli një varkë rreth 6 m të gjatë, pa të dhëna identifikimi dhe me një motor të madh në bord.

Megjithëse varka ishte e pajisur me rrjeta për peshkim, trupat e Guardia di Finanza dyshuan se në varkë mund të fshihej diçka, prandaj vendosën të kryenin një seri hetimesh me ndihmën e Sallës së Operacioneve për të gjurmoni pronarin dhe drejtuesin e automjetit në fjalë, i cili u zbulua se ishte CM, nga Lecce, 45 vjeç.

Burri u raportua se kishte disa precedentë të mëparshëm policorë në fushën e trafikut të drogës.

Me këto të dhëna 45-vjeçari u vu nën gjurmim për të parë se ku ai do ta çonte varkën, me dyshimin se ai e kishte përdorur atë për ndonjë trafik të paligjshëm, mbase me anën tjetër të Adriatikut.

1582110275_1582110163unnamed.jpg

Droga e sekuestruar

Më pas, afër Borgo San Nicola, Guardia di Finanza identifikoi varkën të fshehur në një shtëpi me mure rrethues të lartë.

Trupat e Guardia di Finanza dhe forca të policisë pas kontrollit gjetën në varkë 450 kilogramë marihuanë e ndarë në 219 pako; 75 kilogramë hashash të ndarë në 31 pako; 3.5 litra vaj hashashi me një peshë prej 3 kilogramësh, kurse në ambientet e shtëpisë u gjetën dhe sekuestruan armë dhe municione, ndër të cilat: dy armë kalibri 4,5mm,  pushkët, një pistoletë e tipit Beretta kalibër 4,5 mm, një pistoletë kalibër 8mm me 23 fishekë.

45 vjeçari C.M u arrestua dhe u dërgua në "Borgo San Nicola" në Lecce në dispozicion të Autoritetit Gjyqësor.

Sasia e madhe e drogës së sekuestruar mendohet se do shërbente për furnizimin e  gjithë tregut vendor dhe ndoshta dhe atë kombëtar.

Hetimet e Guardia di Finanza janë shtrirë edhe në pistën e mundësisë se droga dhe armët e sekuestruara  mund të jenë pjesë e trafikut me vendet bregdetare të Adriatikut të poshtëm, përfshi Shqipërinë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 19/02/2020 18:48

    E gjithë kjo drog vie nga serbia sepse në serbi mbillet nga vet qeveria serbe në vojvodinë ...!

    Përgjigju
  • Labi: 19/02/2020 17:35

    Jo mo korcar nga devolli

    Përgjigju
  • Selami: 19/02/2020 13:08

    Nga Vlora? Vlonjate?

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Fest 63/ Zgjidhen 15 këngët finaliste! Parashqevi Simaku përshëndet nga SHBA festivalin e konkurentët: Do të doja të isha aty

Fest 63/ Zgjidhen 15 këngët finaliste! Parashqevi Simaku përshëndet nga SHBA festivalin e konkurentët: Do të doja të isha aty

22 Dhjetor, 00:42