POP 5

Lajmet më të lexuara të 5 minutave të fundit

Kronikë

Ndërtimet pa leje gjatë fushatës në Ksamil dhe Sarandë, arrestohen 6 inspektorë të IMT-së

Gjashtë inspektorë të ndërtimit janë vënë në pranga për shpërdorim detyre me kërkesë të prokurorisë së Sarandës. Nga hetimet ka rezultuar se inspektorët kanë lejuar ndërtimin e 16 objekteve pa leje në zonën bregdetare të Ksamilit dhe Sarandës. 

Dy inspektorë të IKMT dhe katër inspektorë të IVMT së Sarandës janë vënë në pranga për shpërdorim detyre. Ata kanë lejuar ndërtimet pa leje në zonën e Ksamilit gjatë pesë muajve të parë të vitit, që përkon me fushatën e zgjedhjeve vendore të 14 Majit.  

Hetimet janë kryer nga Prokuroria e Sarandës e cila bën të ditur se ka administruar prova të mjaftueshme për shkeljet e 6 punonjësve të shtetit.  Në Tiranë janë arrestuar Erjon Cakalli dhe Denis Balili, punonjës të Inspektoratit Kombëtar të Mbrojtjes të Territorit ndërsa në Sarandë janë arrestuar Vangjel Xhavara, Besian Koçi, Artur Musai dhe Erton Zakaj, punonjës të Inspektoratit Vendor të Mbrojtjes së Territorit. Këta të fundit ishin shkarkuar nga kryetari i ri i bashkisë, Oltion Çaçi para se të arrestoheshin.

Prokuroria e Sarandës ka zbuluar se nga Janari deri në Maj, inspektorët e ndertimit nuk kanë bërë asnjë kallëzim penal në prokurori, ndërkohë nga ana e Komisariatit të Policisë janë referuar 49 raste të ndërtimeve të paligjshme në Ksamil dhe Sarandë. Në funksion të këtij procedimi penal janë sekuestruar 16 objekte me destinacion banimi dhe biznese në zonën më të lakmuar bregdetare në vend.

Të arrestuar

  1. Erjon Cakalli
  2. Denis Balili
  3. Vangjel Xhavara
  4. Besian Koçi
  5. Artur Musai
  6. Erton Zakaj

SI.E./M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Or tej: 17/10/2023 13:48

    Ne foto duket sikur e ka bombardu Izraeli or teeeejjjjj

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Qeveria rishpall tenderin 400 mln euro të Portit të ri Tregtar të Durrësit në Porto Romano

Qeveria rishpall tenderin 400 mln euro të Portit të ri Tregtar të Durrësit në Porto Romano

24 Dhjetor, 19:43