Leka Zogu I ende
në gjendje kritike

TIRANË – Gjendja shëndetësore e pretendentit për fronin mbretëror, Leka Zogu I mbetet kritike. Familja mbretërore, nëpërmjet një deklarata shpërndarë mediave ka informuar këtë të shtunë, lidhur me vijueshmërinë shëndetësore, disa ditë pasi Leka Zogu I u shtrua me urgjencë në QSU “Nënë Tereza” në pavionin e Neurologjisë.
Sipas familjes mbretërore, pretendenti për fron ka mundur të komunikojë me djalin e tij, princin Leka II, por shëndeti i tij mbetet ende në normat kritike. Në deklaratë, oborri mbretëror vlerëson edhe kujdesin e mjekëve për gjendjen e 72 vjeçarit, të rikthyer në vendin e tij të lindjes në korrik të vitit 2002.
Leka Zogu I, qëndroi në mërgim për 63 vjet pas largimi të familjes në prill të vitit 1939 kur Leka kishte vëtëm një ditë që kishte lindur.