“Trafikimi i pasurive kulturore varfëron vendet dhe rajonin.” Ky është qëndrimi i nënkryetares së Kuvendit të SHqipërisë, Valentina Leskaj, në një konferencë rajonale për çështjet kulturore dhe edukimin. Nën kujdesin e veçantë të Kuvendit  të  Shqipërisë, u mbajt sot takimi i  45-të i  Komisionit për Çështjet Sociale, Kulturore dhe Edukimit të  Asamblesë Parlamentare të Bashkëpunimit Ekonomik të Detit të Zi (PABSEC),  ku morën  pjesë delegacione nga Turqia,  Rumania, Shqipëria,  Armenia, Bullgaria,Gjeorgjia, Moldavia, Rusia, Serbia, Ukraina dhe Greqia.
 
Me këtë rast konferencën e përshëndeti, Sekretari i Përgjithshëm i PABSEC, Asaf Hajiyev, i cili  falenderoi Kuvendin e Shqipërisë për mikëpritjen dhe uroi kombin shqiptar për suksesin e Kombëtares Shqiptare në Kampionatin Europian, njëkohësisht uroji suksese te tilla në të gjitha fushat ekonomike,sociale, kulturore.   
 
Gjithashtu në fjalën e saj përshëndetëse, Nënkryetarja e Kuvendit të Shqipërisë, Valentia Leskaj tha  se bashkëpunimi shumplanësh në kuadër të kësaj organizate, kontribuon për paqen, sigurinë dhe prosperitetin ekonomik të vendeve anëtare. “Fokusimi i takimit të sotëm në çështje që lidhen me trafikimin e paligjshëm të trashëgimisë kulturore, është një temë shumë e rëndësishme dhe aktuale për mbrojtjen e vlerave të qytetërimeve. Importi i paligjshëm, eksporti dhe kalimi i pronësisë së pasurisë kulturore, është një nga shkaqet kryesore të varfërimit të trashëgimisë kulturore të vendeve të këtij rajoni”, nënvizoi Leskaj.
 
Githashtu, Leskaj u shpreh se  Parlamenti i Shqipërisë ka miratuar një legjislacion për mbrojtjen e trashëgimisë kulturore, përfshirë dhe jetësimin e tyre. Në përfundim të fjalës së saj, Leskaj u shpreh se ky aktivitet, ka për qëllim  nxitjen dhe  forcimin e një platforme bashkëpunimi, jo vetëm në nivelin parlamentar, por edhe në atë, të të gjitha agjencive qeveritare.


Redaksia Online
(u.s/shqiptarja.com)