Lionel Messi, ylli i Inter Miami dhe kampion bote me Argjentinën, ka ndarë një pjesë të anës së tij më pak të njohur gjatë një interviste për “Luzu TV” në SHBA. Përmes rrëfimeve të sinqerta, 36-vjeçari ka folur për karakterin e tij, zakonet e përditshme dhe mënyrën se si e përjeton jetën jashtë futbollit.

Në intervistë, Messi tregoi se pavarësisht suksesit sportiv, ai vlerëson qetësinë dhe thjeshtësinë.

“Nuk më pëlqen të jap këshilla, sepse besoj se secili duhet të jetojë përvojën e vet. Por një gjë them, mos hiq dorë kurrë nga ajo që ndjen dhe nga ajo që dëshiron. Vazhdoni të përpiqeni, çfarëdo që të ndodhë, ky është thelbi i jetës.”

Messi pranoi se shpesh ka nevojë për momentet e vetmisë.

“Më pëlqen të rri vetëm, larg kaosit. Ndonjëherë kaosi në shtëpi me tre fëmijë më mposht. Në ato momente nuk bëj asgjë të veçantë, shtrihem në divan dhe shikoj televizor.”

Ai shtoi se është i ndjeshëm ndaj detajeve të vogla të përditshmërisë.

“Nëse dikush lëviz diçka nga vendi ku e kam lënë, më vjen keq menjëherë. Po ashtu, kur ndodh diçka e papritur gjatë ditës, nervozohem dhe mbyllem në vetvete.”

Mes një atmosfere të qetë dhe plot humor, Messi tregoi një situatë që e quajti 'paradoksale'.

“Antonella nuk më lejon të luaj futboll me fëmijët brenda në shtëpi. Unë jetoj për futbollin, por nuk mund të luaj në shtëpi… jeta është paradoksale, apo jo?”

Pjesa ndoshta më e papritur e intervistës lidhet me mesazhet telefonike.

“Nuk më pëlqen të shkruaj mesazhe, as me miqtë, as me familjen. E gjej të lodhshme të përgjigjem, të pres dhe të përgjigjem përsëri. Nuk është se nuk më intereson, thjesht dërgimi i mesazheve më bezdis”, tha Messi mes të tjerash.

Intervista është cilësuar si një nga më intimet e dhëna nga Messi vitet e fundit, duke ofruar një pamje më të qartë të njeriut pas ikonës së futbollit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 31 Mars, 11:25

    A besoni se Drejtori i ri Policisë, Hita do luftojë krimin dhe korrupsionin?

Lajme të tjera