POP 5

Lajmet më të lexuara të 5 minutave të fundit

Kultura

Leonard Qylafi 'Përtej rrethit të konfuzionit'! Xoxa: Puna kërkimore në veprat e tij sjell frymë të re! Romano: Udhëtim në tri seri, nga propaganda te interneti

Është çelur në galerinë “NAAN” në Tiranë ekspozita personale e artistit bashkëkohor Leonard Qylafi “Përtej rrethit të konfuzionit.

Në galerinë “NAAN” këtë fillim javë është artisti bashkëkohor Leonard Qylafi, që ekspozon punimet e tij në pikturë të dekadës së fundit. “Përtej rrethit të konfuzionit” është ngjarja e parë e artit pamor që njofton qendra e artit bashkëkohor “Harabel”.

“Leonardi është një artist që ka bërë shumë për pikturën shqiptare. Na ka përfaqësuar në Bienalen e Venecias (2017) , ka marrë pjesë në ekspozita të shumta dhe që ka aftësinë që brenda punës së tij kërkimore të sjellë diçka të re”, thotë Ajola Xoxa, drejtore e “Harabel”.

Imazhe të mjegullta, figura edhe të propagandës komuniste që propozohen... Sugjerohet perceptimi i një vepre në periudha dhe kontekste të ndryshme. Subjekti ka nevojën për sfondin kohor, për hulumtim të thellë të elementëve të dukshëm dhe të asaj që qëndron përtej saj.

“Është një udhëtim në një dekadë pune, të ndarë në tre seri. Bëhet fjalë për investigimin e imazhit dhe me mjetet me të cilat ne shohim këto imazhe. Nga propaganda deri tek propaganda e re, që mund të themi se është interneti”, shprehet artisti dhe kuratori Stefano Romano.

Përdorimi i imazhit, si fasadë për të mbuluar një realitet, dekor, apo edhe  imazhe të keqkuptuara, Qylafi fton vizitorët të reflektojnë përballë punëve të tij: Çfarë fshehin format, ngjyrat ‘e ngrira’ në kohë, që vijnë gati si sekuenca filmike?

Punët e Qylafit, sjellin jo vetëm imazhe estetikisht të kuruara, por edhe hulumtime në të shkuarën, duke e parë me një këndvështrim bashkëkohor, dhe në përballjen me të tashmen, pjesë e së cilës vijojnë të jenë edhe imazhet propagandistike.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Tabaku: Politikat e qeverisë po shkatërrojnë bujqësinë shqiptare

Tabaku: Politikat e qeverisë po shkatërrojnë bujqësinë shqiptare

26 Janar, 10:24