Alice Elizabeth Taylor nuk mund të ndalohet të jetojë në Shqipëri. Ajo është një blogere që punon për shtypin rus nga Shqipëria, e punësuar po ashtu në një portal pranë Partisë Demokratike, drejtuar nga këshilltari politik i Lulzim Bashës, dhe me sa duket krijon një sfond të dyshimtë për shërbimet e sigurisë lidhur me ndikimin rus në Shqipëri, por kjo nuk është arsye që ajo të mos lejohet të jetojë në Shqipëri.
Leja e saj e qëndrimit nuk është rinovuar, dhe sipas burimeve konfidenciale, shërbimet e sigurisë nuk kanë dhënë miratimin, por kjo pengesë duhet tejkaluar për disa arsye.
Së pari, fakti që blogerja punon për shtypin rus nga Shqipëria dhe ka qenë e përfshirë në një reportazh propogandistik të “Rusian Today” më 16 shkurt, nuk flet për rrezikshmërinë e saj si reportere, por për nivelin e propagandës së shtypit rus dhe besushmërinë e tij.
Ajo mund të jetë blogere jo profesionale, por kjo nuk është arsye për ta larguar nga Shqipëria. Në Shqipëri ka qindra gazetarë të dobët, të paaftë dhe shpesh agresiv ndaj vendit të tyre, por ata i kemi mes nesh dhe nuk mërzitemi.
Berisha na ka pas shpallur dikur puçistë dhe donte të na dënonte për grusht shteti, apo te zbonte Carlo Bolinon, si agjent italian, por kjo është një gjë që i shkon vetëm atij.
Veprimtaria e saj gazetareske nuk duhet të përbëj kurrë një arsye për ta larguar nga Shqipëria. Ajo është thjesht ilustrim i shtypit propogandistik të opozitës dhe asaj çfarë i intereson shtypit rus për Shqipërinë, por jo një arsye për të mos ja rinovuar lejen e qëndrimit.
Së dyti, zonja në fjalë, siç mësohet, bashkëjeton me një qytetar shqiptar dhe pret një fëmijë. Ajo do të jetë së shpejti nëna e një fëmije shqiptar, dhe kjo është një arsye e mjaftueshme sociale që ajo të jetojë në vendin tonë si pjesë e shoqërisë shqiptare. Askush nuk mund t’ia mohojë asaj të drejtën të jetoj këtu, ndërkohë që pret një fëmijë shqiptar. Ndaj çdo procedurë e bllokuar ndaj saj duhet parë me kujdes, edhe në këtë aspekt.
Ajo thjesht duhet të demonstrojë qe paguan taksat per te ardhurat prane portalit te PD, apo deklaron te ardhurat e saj si reportere e shtypit rus dhe nuk duhet te kete asnje pengese.
Së fundmi, çfarë është dhe më e rëndësishme, nuk dua të kuptoj çfarë faktesh ka në dosjen e saj, që e pengojnë të rinovojnë lejen e qëndrimit, por Shqipëria nuk rrezikohet nga korenspondentë publik të shtypit rus, qofshin dhe anonimë, apo te pakredituar sipas rregullave.
Shqipëria ka plot politikanë pro rus që e kanë të hapur veprimtarinë e tyre, dhe kjo nuk i penalizon ata.
Presidenti i Republikës eshte nje i perfolur prej tyre. Ndërkohë, kryetari i opozitës, Lulzim Basha, është në hetim në SHBA dhe Skoci për pagesa nga lobistë rus dhe letërporosia ka ardhur në Tiranë prej disa muajsh.
Prokuroria e Tiranës ende nën pushtetin e opozitës, ka neglizhuar deri më sot ta marrë në pyetje, edhe pse ja kërkon SHBA dhe Skocia.
Pra, kur ne kemi politikanë të këtij niveli me letra të qarta nën hetim si pro rus, si mund të merremi me një blogere dhe t’i mohojmë të qëndrojë në Shqipëri!
Nga ana tjetër, Shqipëria ka qindra gazetarë të papërgjegjshëm, që i bëjnë dëm Shqipërisë duke qenë shqiptarë, dhe nuk ngeli të na prishë imazhin një blogere që ka ardhur këtu për qejf të vet apo për hall të vet.
Lereni Alicen të shijojë jetën në Shqipëri, të rrisë fëmijën e saj këtu dhe të provojë të bëjë diçka të mirë për Shqipërinë .
Çdo gjë tjetër, përvecse ndonjë cështje kriminale, nuk mund ta largojë atë nga ky vend. Do të ishte mirë që vet qeveria t’ia përtërinte lejen.
Në mos jo, gjykata duhet të vendosë pro saj, bazuar në lirinë që Kushtetua i jep cdokujt për t’u shprehur dhe për të shkruar në këtë vend atë që mendon.
Nuk besoj se e keqja Shqipërisë i vjen nga një blogere e huaj që gjendet në Tiranë, qoftë dhe për të raportuar për shtypin rus.
E keqja mund të na vijë nëse devijojmë nga rruga drejt Perëndimit, qoftë dhe nga ndikimi rus. Dhe këtë mund të na e bëjnë politikanët, jo blogjet.
m.v./Shqiptarja.com
Komente
Lajme të tjera
-
Kosova po shkon në zgjedhje, për 'hallin' me Serbinë!
Mero Baze
22 Gusht, 22:45 -
Vangjeli: Të vdekurit fitojnë gjithmonë, ndonjëherë të gjallët duhen kërkuar mes tyre
Lorenc Vangjeli
22 Gusht, 18:12 -
Debati brenda socialistëve të Shkodrës, turpëron PD
Mero Baze
21 Gusht, 22:41 -
"Mihal" nuk lind, bëhesh
Alba Malltezi
21 Gusht, 12:04 -
Mero Baze: Presidenti nuk është më, me brekë!
Mero Baze
20 Gusht, 22:53 -
Peçi: Shoqëri civile në kalbëzim
Bajram Peçi
20 Gusht, 07:46
Kjo me kujton nje pornostar me kete emer dhe kete fytyre
Përgjigjusi ka mundesi qe cod gje qe ka te beje me rusine per disa "Gazette,analist,politikan"eshte armiqesore??ju nuk kuptoni dot gjerat e thjeshta te fshatit shqiperi jo me politiken e nje shteti te madh me kuluren dhe shkencen etij ka eklipsuar boten.ne diplomaci nuk ka armiq por partner qe per shqiptaret eshte fjale e huaj dhe nuk perkethehet. Dilni nga guaska provinciale bota eshte e madhe dhe e ndryshme eshte nje oqean qe mos i hyr po nuk dite not.