Të gjitha anëtaret gra të Senatit të Shteteve të Bashkuara i kanë bërë thirrje presidentit amerikan, Joe Biden, që t’i mbrojë të drejtat e grave dhe vajzave afgane, pas tërheqjes së ushtrisë amerikane nga Afganistani.
Në një letër dypartiake, 24 ligjvënëset amerikane, të udhëhequra nga demokratja Dianne Feinstein dhe republikania Joni Ernst, i kanë kërkuar administratës Biden të dalë me një “plan ndërinstitucional”, që ruan të drejtat politike, sociale, ekonomike dhe themelore të grave dhe vajzave afgane.
Pasi kanë përmbysur Qeverinë e njohur ndërkombëtarisht në Kabul, në mes të gushtit, talibanët kanë premtuar se do të jenë më të moderuar sesa gjatë sundimit të tyre brutal, nga viti 1996 deri më 2001, kur vajzat nuk janë lejuar të shkojnë në shkollë dhe gratë nuk janë lejuar të punojnë jashtë shtëpisë.
Megjithatë, Kombet e Bashkuara dhe grupet e të drejtave të njeriut kanë thënë se talibanët nuk i kanë mbajtur premtimet dhe i kanë kritikuar ata për vendosjen e “kufizimeve të gjera” si ndaj grave, ashtu edhe ndaj mediave dhe fjalës së lirë.
Dy gra afgane kalojnë pranë luftëtarëve talibanë, që shihen të armatosur në rrugët e Kabulit. Afganistan, 2 shtator 2021.
“Shkëputja e Amerikës nga Afganistani vë në rrezik përfitimet e siguruara me vështirësi për gratë dhe vajzat afgane”, kanë thënë senatoret e SHBA-së.
Ato kanë kujtuar se, vitin e kaluar, rreth 3.5 milionë vajza afgane janë regjistruar në shkollë dhe se 100,000 të tjera po ndiqnin institucionet e arsimit të lartë.
“Duke mos pasur qeveri legjitime dhe forca ushtarake afgane për t'i mbrojtur ato, gratë dhe vajzat tani vuajnë nga një regjim taliban, me histori brutalizimi, izolimi dhe mohimi të jetës dhe lirisë”, thuhet në letrën e senatoreve.
“Gratë kanë qenë viktima të rrahjeve dhe vrasjeve dhe u ndalohet të dalin nga shtëpia pa një kujdestar mashkull”, kanë thënë ato.
Senatoret kanë thënë se plani i administratës Biden duhet të trajtojë mënyrën se si Shtetet e Bashkuara do të punojnë me organizatat ndërkombëtare - të tilla si Kombet e Bashkuara - për t’i mbajtur talibanët përgjegjës./ REL
Lajme të tjera
-
Amerika po planifikon të tërhiqet nga Organizata Botërore e Shëndetësisë
24 Dhjetor, 14:47 -
SHBA/ Komisioni i Etikës akuzon ish-ligjvënësin e Floridas, Matt Gaetz se pagoi rregullisht për seks, përfshirë një minorene
24 Dhjetor, 14:45 -
Mori çantën e shpinës me dhurata në stacionin e trenit, Parashqevi Simaku i bëri kërkesë gazetares: A mund të më gjeni vajzën që e ka bërë këtë
24 Dhjetor, 12:59 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Elon Musk: Inteligjenca Artificiale do të tejkalojë zgjuarsinë e njerëzve brenda vitit 2030
24 Dhjetor, 09:15 -
E zënë ethet, ish-presidenti amerikan Bill Clinton shtrohet në spital me temperaturë të lartë
24 Dhjetor, 07:08 -
Luigi Mangione deklarohet i pafajshëm për akuzat shtetërore për vrasjen e CEO-s Brian Thompson
23 Dhjetor, 22:52 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
‘Ford’ jep një milion dollarë donacion për inaugurimin e Presidentit Trump
23 Dhjetor, 20:39 -
Presidenti i zgjedhur Trump përsërit thirrjen për të blerë Groenlandën
23 Dhjetor, 20:10 -
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
Biden fal dënimet me vdekje, konvertohet dënimi për 37 të burgosur
23 Dhjetor, 16:25
