Letra e socialistëve: Komisioni të 
ndërhyjë për 12 shkeljet në Statut
Letra Kom. te Garancive te Statutit

TIRANË - Një grup socialistësh, deputetë dhe figura që kanë kontriubuar ne Partinë Socialiste, kërkojnë interpretimin e Komisionit të Garancive Statutore për 12 shkelje të Statusit të PS-së, siç është kapërcimi i mandatit të kryetarit Rama nga 4 në 7 vjet dhe të  organeve të brendshme të PS-së, qendrore e lokale, nga 4 në 5 vjet.
 
Te udhehequr nga ish-presidenti Rexhep Meidani firmëtarete e kesaj letre jane Ben Blushi, Arta Dade, Mimoza Hafizi, Ndre Legisi, Petrit Ago, Mark Nikolli, Namik Kopliku, Marko Bello, Tritan Kalo, Suzana Hakrama dhe Maqo Lakrori. Nga firmëtarët e kësaj kërkese katër janë aktualisht deputetë. 

Kryesia e PS eshte thirrur vetem nje here nga kryetari
Përmes një letre dërguar kryetarit të Komisionit Alket Hyseni, anëtarët e Partisë Socialiste rendisin ndër shkelje faktin që kryesia e PS-së prej vitit 2013 nuk ka funksionuar si strukturë kolegjiale, sepse nuk rezulton të jetë thirrur nga Kryetari i Partisë. Deputetët theksojnë se nga vitit 2013 kryesia e PS është thirrur vetëm një herë nga kryetari i Partisë, i cili ka të drejtën eskluzive për thirrjen e saj.
 
Kryetari i PS mandat 7 vjecar, ka humbur legjitimitetin
Për zgjedhjen e kryetarit të Partisë Socialiste mandati i të cilit ka kapërcyer në 7 vjet, socialistët kërkojnë interpretimin e Komisionit të Garancive për humbjen e legjitimititetit në ushtrimin e funksioneve të kryetarit në parti
 
Në letër thuhet se nuk i takon Kongresit të vendosë nëse do të mbahen zgjedhje për kryesocialistin, pasi detyra e tij është vetëm të administrojë kandidaturat dhe të caktojë datën e zgjedhjeve sipas parimit një anëtar një vote.
 
"Kërkojmë, zbatimin dhe interpretimin e nenit 30 pikat 1/a, 1/b, 1/d, e pika 2 të Statutit të PS,  mbi kufizimin kohor të mandatit te Kryetarit të PS si dhe mbi legjitimitetin e ushtrimit të funksioneve të tij në Parti, përtej këtij mandati", - thuhet në letër.
 
Kongresi i PS dhe delegatet kane tejkaluar mandatin
Kongresi zgjedhor i PS-së i cili pritet të mblidhet në 19 mars, ka një mandat 4-vjecar, por atij i është tejkaluar afati ligjor në 5 vjet, pasi zgjedhjet e fundit për organin më të lartë vendimarrës të PS janë zhvilluar në vitin 2011. Kjo ka bërë që edhe mandati i delegatëve të tij të jetë nga 4 në 5 vjet.

Në letër kërkohet interpretimi i këtij komisioni për garantimin e të drejtës kushtetuese të cdo anëtari të PS-së për të zgjedhur, e për t'u zgjedhur në të gjitha organet drejtuese të partisë, përmes një procesi konkurimi transparent dhe të bazuar në kritere të njohura.
 
Nga 2013-a Asambleja eshte mbledhur vetem 1 here
"Asambleja Kombëtare e PS-së, organi që organizon punë dhe veprimtarinë e PS-së mes dy kongresesve, prej vitit 2013 është mbledhur vetëm një herë, gjë që ka sjellë si rrjedhojë, pengimin e ushtrimit të kompetencave të saj" - vijohet në letër.
 
Kryetaret e degeve tejkalim mandati ne 5 vjet
Edhe mandati 4-vjeçar i kryetarëve të PS-së në rrethe ka kapëcyer limitet duke u tejzgjatur në 5 vjet, që pas zhvillimit të zgjedhjeve të fundit në vitin 2011, ndaj socialistët kërkojnë që Komisioni i Garancive Statutore të ndërhyjë.

Sekretaret e PS edhe ne Keshillin e ministrave
Shumica e sekretarëve të PS-së - theksohet në letër - ushtrojnë njëkohësisht edhe funksionin kushtetutes të anëtarit të Këshillit të Ministrave. Ata kërkojnë interpretimin e Komisionit "për shkak të angazhimit të veçantë që kërkon ushtrimi i këtij funksioni kushtetutes, e ka  bërë të pamundur angazhimin e plotë dhe pa rezerva të tyre në funksionet partiake" 
 
Nuk jane raportuar shpenzimet dhe donacionet e PS
Një tjetër shkelje e statusit që socialistët radhisin në letër, është edhe mungesa e raportimit në Kryesi dhe në Asamble të shpenzimeve dhe donacioneve që ka përfituar Partia Socailiste nga individë apo nga kuotat e anëtarësisë së saj. Po ashtu - theksohet - se buxheti vjetor i PS nuk është miratuar në asnjë rast nga këto forume.
 
"Kërkojmë, zbatimin dhe interpretimin e nenit 51 pikat 1 dhe 2 të Statutit të PS, mbi detyrimin e raportimit dhe të miratimit të burimeve financiare të PS si dhe të shpenzimeve të saj, prej në Kryesisë dhe Asamblesë Kombëtare të PS, që prej vitit 2013 e deri në ditën e kësaj kërkese", - thuhet në letrën ndërguar Hysenit. 

Edhe vete Komisioni i Garancive Statutore pa mandat!
Vlen të theksohet se në pavarësisht se kërkojnë ndërhyrjen e Komisionit të Garancive Statutore, socialsitët theksojnë se edhe vëtë këtij organi i ka mbaruar mandati 4-vjeçar. Anëtarët e këtij Komisioni zgjidhen nga Konkgresi i PS i cili gjithashtu ka tejkaluar mandatin.
 
"Kërkojmë, zbatimin dhe interpretimin e nenit 32.3 të Statutit të PS në lidhje me mandatin 4 vjeçar të anëtarëve të Komisionit të Garancive Statutore (KGS), si dhe mbi legjitimitetin e ushtrimit të funksioneve të KGS, përtej këtij mandati. Kërkojmë që anëtarët e Komisionit të Garancive Statutore në shqyrtimin e kësaj kërkese të respektojnë parimine shmangies së konfliktit të interesave", thuhet në letër.

Ndër shkeljet që kërkojnë interpretim, socialistët radhisin edhe ndryshimin e stemës së PS-së në fushatën për zgjedhjet e fundit parlamentare dhe vendore. 

Cfare eshte Komisioni i Garancive Statutore
Komisioni i Garancive Statutore është struktura përgjegjëse, që vendos për çështjet që kanë të bëjnë me zbatimin dhe interpretimin e Statutit të Partisë, të vendimeve dhe rregulloreve të forumeve qëndrore të Partisë.
 
Këto shkelje sipas tyre "përbëjnë një rrezik për cënimin e marrëdhënies së çdo anëtari dhe përkrahësi të PS me Partinë, dhe me përfaqësuesit e saj, çka minon zgjerimin e ndikimit të saj në shtesat e gjera të popullsisë"

Firmëtarët e kërkesës: 
Rexhep Meidani
Tritan Kalo
Maqo Lakrori
Suzana Hakrama 
Petrit Ago
Ndre Legisi
Marko Bello
Mark Nikolli
Ben Blushi
Arta Dade
Mimoza Hafizi
Namik Kopliku

Redaksia Online
(Gre.M/Shqiptarja.com)