Kreu i Grupit Parlamentar të LSI, Petrit Vasili, ka sulmuar kryeministrin Edi Rama lidhur me ndërtimin e inceneratorit të plehrave në Verri të Fierit, duke e cilësuar këtë një mashtrim të kreut të qeverisë ndaj banorëve. Vasali risjellë në kujtesë deklaratën e kryetarit të Bashkisë së Fierit, Armand Subashi, të një viti më parë, kur thoshte që kishte marrë garancinë e plotë nga kryeministri Rama se pa pëlqimin e banorëve të zonës as që bëhet fjalë të fillojë ndërtimi i impiantit të mbetjeve urbane.

Report Tv ka siguruar një letër-përgjigje të Petrit Vasilit, në kohën kur drejtonte Ministrinë e Drejtësisë, ndaj një anëtari të këshillit bashkiak Fier, ku ky i fundit përmes një peticioni drejtuar autoriteteve më të larta shtetërore kërkonte ndërprerjen e menjëhershme të punimeve për ndërtimin e impiantit të përpunimit dhe djegies së mbetjeve urbane në Qarkun e Fierit, në afërsi të fshatrave Verri, Vajkan dhe Kallm. Siç shihet në letër, edhe në atë kohë, Vasili si ministër Drejtësie e kundërshtonte impiantin e djegies së plehrave.

“Kryeministri mashtroi paturpesisht banoret e Verrise per inceneratorin e plehrave. Nuk besoj qe ka ndonje shqiptar, qe e beson më kryeministrin dhe te tijte kur premtojne. Deviza e kryeministrit eshte: "Mashtrojini njerezit, boll që t'u merrni voten dhe pastaj me kalimin e viteve cdo gje harrohet dhe vemi i mashtrojme prape"

Kete gje kane bere me inceneratorin e plehrave ne Verri te Fierit duke i mashtruar banoret e duke i garantuar se kryeministri mashtrues nuk do ta instalonte inceneratorin pa pelqimin e banoreve. Harruan banoret qe per shendetin e banoreve, qe rrezikohet seriozisht, kryeministrit nuk i behet vone fare; per ate ka rendesi qe paraja te eci. Lexojeni vete cfare shkruante kryetari i bashkise se Fierit duke genjyer pa u skuqur e pa u zverdhur fare:

“Sot mora garancinë e plotë nga kryeministri Edi Rama, që pa pëlqimin e banorëve të zonës (Verri, Kallm i Madh, Kallm i Vogël), as që bëhet fjalë të fillojë ndërtimin i impiantit të mbetjeve urbane, pavarësisht procedurave që janë ndjekur nga Ministritë deri tani." Kjo është Rilindja! Kjo është Shqipëria që duam! #ShtetPunëMirëqenie” -shkruante Subashi në prill të 2017-ës.”, shkruan Vasili. 

Report Tv iu sjell më poshtë letrën e Vasilit, kur ishte ministër, i cili tregon pse nuk duhet bërë inceneratori.

 

d.c./shqiptarja.com