Lexoni çfarë parashikojnë yjet sot për ju

DASHI 21. mars - 20. prill

Më shumë se fantazinë gjatë kësaj dite duhet të ushqeni logjikën tuaj. Reflektoni më mirë ndaj asaj që ju rrethon, si dhe analizoni kërcënimet e mundshme, sidomos në sferën profesionale. Në dashuri do të dominoheni nga romanticizmi, i cili do të udhëheqë ndjenjat tuaja.

DEMI 21. prill - 21. maj

Mjaft ëndërruat me sy hapur! Kjo e mërkurë ju dhuron më shumë zgjuarsi, duke lënë mënjanë idetë që ju kanë dyjëzuar. Jo gjithmonë ajo që dëshironi do mund të realizohet. Kjo nuk është dita e duhur sa i takon ndjenjave.

BINJAKET 22. maj - 21. qershor

Nëse jeni në pritje të një përgjigje në dashuri, mos e hidhni hapin më shumë nga sa mundeni. Një nxitim i juaji mund të shkatërrojë gjithçka. Nëse përgjigja që prisnit nuk do të vijë, do të thotë se kështu duhet të shkonte. Në sferën profesionale do të përballeni me një surprizë, ndaj mundohuni të jeni të përqendruar, në mënyrë që të mos e humbni.

GAFORRJA 22. qershor - 22. korrik

Sa i takon raportit në çift parashikohen momente tensioni dhe kundërshtie. Mos e ushqeni zjarrin, por ruani qetësinë, për në një moment tjetër. Në punë, do ju duhet të bëni një hap mbrapsht për shkak të një keqkuptimi.

LUANI 23. korrik - 22. gusht

Fundjava është ende larg dhe ju do të ndjeni nevojën për të pushuar. Fatkeqësisht duhet të mblidhni energjitë, për të përballuar ditën e cila do të jetë e mbushur me ngarkesa në punë. Në dashuri, do të dalë në pah shpirti juaj rebel. Bëni mirë të shuani çdo dyshim, në mënyrë që të mos lëndoni njeriun e zemrës.

VIRGJERESHA 23. gusht - 23. shtator

Venusi vijon të jetë i pranishëm në shenjën tuaj. Kjo e mërkurë do të jetë e mbushur me aktivitet krijues, sidomos sa i takon sferës profesionale. Duhet të tregoni sa vleni realisht, duke nxjerrë në pah idetë tuaja. Në raportin në çift nuk parashikohen zhvillime të reja, ndërsa ata që janë vetëm mund të kenë njohje interesante.

PESHORJA 24. shtator - 23. tetor

Hëna po ju buzëqesh sidomos nëse jeni në kërkim të shpirtit tuaj binjak. Kjo e mërkurë për ata që janë vetëm do të jetë e mbushur me mundësi të shumta sa u takon ndjenjave. Në punë do të përballeni me vështirësi, ndaj bëni mirë të ngadalësoni ritmin, në mënyrë që të siguroheni.

AKREPI 24. tetor - 22. nëntor

Do të ndiheni tejet të demoralizuar gjatë kësaj dite, ku gjithçka që ju dukej pozitive deri më sot do të venitet. Mundohuni që ta shihni gotën gjysmë plot dhe jo gjysmë bosh, pasi në të kundërt lëndoni veten. Në sferën profesionale, parashikohet ngritje në detyrë dhe shpërblim për përkushtimin.

SHIGJETARI 23. nëntor - 21. dhjetor

Gjatë kësaj të mërkure doni të jeni tejet të saktë! Keni vendosur që të angazhoheni më shumë në raportet ndërpersonale, sidomos me personat që kanë vërtetë rëndësi për ju. Nuk është kurrë vonë që të shprehni hapur ndjenjat! Në punë duhet të përkushtoheni më shumë.

BRICJAPI 22. dhjetor - 20. janar

Do të jeni të ndikuar nga të tjerët, aq sa nuk do të jeni më në gjendje të arsyetoni me mendjen tuaj. Bëni mirë që ti filtroni këshillat që do ju jepen. Në dashuri do të ndiheni të brishtë dhe nuk do keni kurajo të përballeni me problemet.

UJORI 21. janar - 19. shkurt

Gjatë kësaj dite do të ndiheni të luhatur emocionalisht. Do të jeni në konflikt me emocionet tuaja, ndaj bëni mirë të punoni shtruar si në punë edhe në dashuri. Një ndryshim në familje, mund të ndikojë shumë tek ju. Bëni mirë që të shmangni kontaktet me shumë persona, në mënyrë që të shmangni shqetësimet.

PESHQIT 20. shkurt - 20. mars

Jeni shumë të përqendruar, ndaj bëni mirë që të rigjeni ekuilibrin. Për ata që janë vetëm, këshillohet që të ndjekin instinktin. Në punë, do të përfshiheni në një situatë të cilën do e keni të vështirë që ta menaxhoni vetëm. Ndoshta ka ardhur momenti që të kërkoni ndihmë.

/b.ha./Shqiptarja.com

TAG:
• horoskopi