Lezhë, ndalohet 45
vjecari me 2 kg droge

Gjatë orëve të para të mëngjesit në një aksion të policisë së Lezhës u arritën të ndaloheshin 2kg bimë narkotike, e cila dyshohet të jetë kanabis sattiva. Droga u ndalua në Milot të rrethit të Kurbinit dhe u arrit të vihet në pranga 45 vjeçari Kastriot Malci, banor i zonës.

Policia bëri të ditur se gjatë kontrollit të ushtruar në automjetin e 45 vjeçarit Malci, në cilësinë e provës materiale u sekuestrua sasia e drogës, e ndodhur në karrocerinë e automjetit brenda një çante plastike.