Rikthehet normaliteti në burgun e sigurisë së lartë të Shën Kollit në Lezhë. Zjarri i rënë një ditë më parë në ambientet e këtij burgu shkaktoi vdekjen e një të dënuari, 25 vjeçarit Flamur Sulaj.
 
Ai ishte i dënuar me 10 vite burg për tentativë vrasje, ngjarje kjo e ndodhur kohë më parë.
 
Burime nga burgu i Shën Kollit bëjnë të ditur se të gjithë të dënuarit janë rikthyer sot në mëngjes në qelitë e tyre.
 
Të burgosurit u nxorën nga dhomat e burgut pas rënies së zjarrit pasditen e të shtunës dhe u mbajtën nën masa të rrepta sigurie në ambientet e ajrimit. 

Redaksia Online
l.q/Shqiptarja.com