Një automjet është gjetur i qëlluar me breshëri plumbash mëngjesin e së premtes në anë të superstradës Lezhë - Milot.

Ngjarja është regjistruar rreth orës 5:00 të mëngjesit në afërsi të kryqëzimit të Shënkollit, ndërsa nuk raportohet për viktima apo përsona të plagosur.

Autovetura tip golf 4 me targa Gjermane është gjetur e ndaluar në anë të rrugës dhe ngjitur me disa biznese të zonës, ndërsa duket qartë se plumbat e kanë përshkuar në të gjitha anët e saj.

automjeti lezhe qellohet

lezhe makina

Ende nuk dihen motivet apo autorët e mundshëm të kësaj ngjarje dhe as pronari i mjetit që është qëlluar.

Ekspertët e policisë të mbërritur në vendngjarje kanë bërë të ditur se brenda mjetit nuk ka njolla gjaku, çka e bën akoma më të mistershme përcaktimin e asaj së çfarë ka ndodhur realisht.

lezhe makina

lezhe makina

Blutë kanë dyshime të forta se mjeti është braktisur pikërisht në këtë zonë, ndaj edhe nisi krehjen e saj kryesisht për të parë nëse do të ketë shenja që do të dërgonin në idenfitikimin e autorëve.

Autovetura ka qenë duke lëvizur në drejtim të Lezhës dhe ka dyshime të forta për një ndjekje të mundshme të këtij automjeti nga një tjetër mjet. 

lezhe makina

lezhe makina


Redaksia online
(s.m/shqiptarja,com)