POP 5

Lajmet më të lexuara të 5 minutave të fundit

Kronikë

Lezhë/ I dha hashash një të mituri dhe videon e postoi në 'Tik Tok', në pranga 31-vjeçari

Një ngjarje e rëndë ka ndodhur në Lezhë, ku një 31-vjeçar i ka dhënë një të mituri hashash. Sikur kjo të mos mjaftonte, 31-vjeçari Gëzim Avdi (Kalia) e ka publikuar videon në rrjetin social Tik Tok, teksa pinte hashash bashkë më të miturin.

LEZHË- Një ngjarje e rëndë ka ndodhur në Lezhë, ku një 31-vjeçar i ka dhënë një të mituri hashash. Sikur kjo të mos mjaftonte, 31-vjeçari Gëzim Avdi (Kalia) e ka publikuar videon në rrjetin social Tik Tok, teksa pinte hashash bashkë më të miturin. Kjo video është publikuar në një rrejt social shumë i ndjekur nga fëmijët dhe të rinjtë, duke sjellë edhe reagimin e Policisë, e cila e ka arrestuar për veprën penale “Nxitja për përdorimin e drogës”.

“Strukturat hetimore të DVP Lezhë, menjëherë pas publikimit të një videoje, në rrjetin social Tik Tok, në të cilën shfaqej një shtetas duke i dhënë për të pirë një të mituri, cigare me lëndë  të dyshuar narkotike, kanë nisur verifikimet për identifikimin e shtetasit që shfaqej në video. Nga veprimet e shpejta hetimore u bë identifikimi i shtetasit Gëzim Avdi (Kalia), 31 vjeç, banues në Patok, Kurbin”, njofton policia.

Për rastin ka reaguar edhe Ministri i Brendshëm Taulant Balla.

“Jam njohur sot pasdite me një video skandaloze ku një person i papërgjegjshëm duket se i ofron një cigare (të dyshuar hashash) një të mituri. Menjëherë i kam kërkuar Drejtorit të Përgjithshëm të Policisë së Shtetit identifikimin e këtij personi dhe më pas Policia ka bërë të mundur ndalimin e tij të menjëhershëm dhe shoqërimin në Komisariatin e Kurbinit, i akuzuar për nxitje të përdorimit të lëndëve narkotike në rrethana rënduese”, shkruan Balla.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Lefter Nika zgjidhet kryetar i Partisë MEGA, parti e minoritetit grek në Shqipëri

Lefter Nika zgjidhet kryetar i Partisë MEGA, parti e minoritetit grek në Shqipëri

23 Nëntor, 21:27 nga Limos Didani