TIRANE - Lëvizja Gay, Biseksual dhe Transeksual (LGBT) kërkon të drejtën e adoptimit të fëmijëve dhe legalizimin e të drejtës për të ndërtuar familje e për të rritur fëmijë.

Në një intervistë mediatike, drejtuesja e Aleancës LGBT, Xheni Karaj, duke folur për dokumentarin “Të fshehur mes jush”, realizuar nga Pro LGBT me mbështetjen e fondacionit Soros, deklaron se më zgjedhjet e përgjithshme të 23 Qershorit, komuniteti do të votojë atë forcë politike që i jep të drejtën për të krijuar familje.

“Ne do të votojmë në qershor dhe duam të dimë: cila forcë politike mbështet të drejtën tonë për të krijuar familje, për të gëzuar privilegjet, por edhe detyrimet që kanë të gjitha çiftet, qoftë në martesë, qoftë në bashkëjetesë? Cila forcë politike ka menduar të na sigurojë të drejtën për të adoptuar fëmijë, në rast se çiftet LGBT plotësojnë të gjitha kushtet e kriteret për t’i siguruar jetë të lumtur fëmijëve? Dhe mbi të gjitha, cila forcë politike do mendojë për masa konkrete për të çrrënjosur diskriminimin në arsim, në aksesin në shëndetësi dhe kudo ku shfaqen persona homoseksualë? Deri tani, ne ende nuk e dimë…”, është shprehu Karaj.

Redaksia Online
(Gre.M/Shqiptarja.com)