LIBI - Të paktën 50 vetë u vranë dhe më shumë se 500 u plagosën në dy shpërthime jashtë xhamive në qytetin libanez të Tripolit në veri të Libanit. 

Shpërthimet, të cilat ishin të koordinuara u shënuan jashtë dy xhamive pas lutjes të së premtes në zonat ku banojnë kryesisht sunitët myslimanë. 

Pamjet televizive treguan dritare të plasaritura dhe disa automjete të djegura. 

Sulmet me bombë erdhën një javë pas një tjetër shpërthim të fuqishëm, ku mbetën të vrarë të paktën 24 vetë në një periferi jugore të Bejrutit, një bastion militant i grupit shiitë Hezbollah.

Tensionet sektare në Liban janë rritur ndjeshëm edhe nga konflikti civil në Sirinë fqinje. 

Shumë prej muslimanëve shiitë të Libanit mbështesin presidentin sirian Bashar al-Asad, i cili është duke u përballur me rebelët kryesisht sunitë të cilët janë kundër sundimit të tij.

Redaksia Online
(mag/shqiptarja.com)