Aeroporti i Tripolit është bllokuar për shkak të përleshjeve të dhunshme midis dy grupeve të armatosura, ndërsa kanë mbetur të paktën 11 të vdekur dhe 37 të plagosur.

Mediat libiane dhe ato ndërkombëtare e raportojnë se trazirat filluan në agim, madje edhe me sulme artilerie, kur një grup njerëzish të armatosur u përpoqën të sulmonte burgun brenda aeroportit.

Përleshjet, sipas mediave lokale, përfshinë dy forca ushtarake të lidhura me qeverinë e Marrëveshjes Kombëtare Libiane dhe shkaktuan mbylljen e aeroportit ndërkombëtar “Tripoli Mitiga”.

Kreu i aviacionit civil libian, Nasseraldin Shaeb, njoftoi se të gjitha fluturimet në Tripoli janë kaluar në qytetin e Misratas.

Redaksia Online 
A.Gj/Shqiptarja.com