POP 5

Lajmet më të lexuara të 5 minutave të fundit

Arkiva

Librazhd, Rama: Taulanti është
si ju dhe ju do t'ia dilni si ai

Kryetari i PS-së, Edi Rama ka zhvilluar një miting elektoral në Librazhd, në sheshin e qytetit, në kushtet e të nxehtit, ku ai vlerësoi praninë e mbështetësve të PS-së, që e konsideroi në veçanti krenari të ligjshme për djalin librazhdas, kandidatin Taulant Balla.
Librazhd, Rama: Taulanti është<br />si ju dhe ju do t'ia dilni si ai
 LIBRAZHD – Kryetari i PS-së, Edi Rama, pasi ka lënë Peqinin dhe i është drejtuar qytetit të Librazhdit, ku ka zhvilluar takimin elektoral të radhës që në mbrëmje do të mbyllet në qytetin e Korçës.  Takimi u zvillua në mesditë në sheshin e qytetit, në kushtet e të nxehtit, por Rama vlerësoi praninë e mbështetësve të PS-së, që e konsideroi në veçanti krenari të ligjshme për djalin librazhdas, kandidatin Taulant Balla.

"Kjo prani e jashtëzakonshme tregon se njerëzit e zakonshëm të këtij qarku duan të dëshmojnë refuzimin për politikën e tuneleve. Këtë shesh e ka mbushur edhe krenaria juaj për Taulant Ballën, njeri si ju që do të punojë gjithnjë për ju. Tek Taulanti ju shikoni me të drejtë arsyen për të besuar se gjithkush mund t’ia dalë. Se nuk ka nevojë të jesh djali i këtij apo atij, por mjafton të jesh i talentuar, i vendosur dhe i mbështetur. Pra, ashtu siç Taulanti ia ka dalë, edhe ju do do t’ia dilni”, - theksoi ai. - "Qytetarë, shkoni kafene më kafene, lloto më lloto dhe çoni numrin 29, numrin e çlirimit nga barra e rëndë e një katragjyshi të stërlodhur me antiplumb, me 100 qen, me makina të blinduar. Hiqini nga qafa këto ngarkesa dhe jepini vetes mundësinë që qeverinë mos ta keni në zverk, por në krah",- shtoi Rama.- "Do të shkojmë para sëbashku jo në rrugën që afron Saliu, sepse para me Saliun do të thotë, para, drejt rrënimit. Ndaj, kujtoni mirë 44-ën dhe votoni 29-ën, çlirimin. Kujtoni se në dy mandate mori dy katra dhe dy katra për një katragjysh nuk ka më mundësi të tretë. Nuk ka për një malukat të lodhur që duhet të largohet, se nuk mund të largohet Shqipëria nga rruga e ëndrrave të veta.  Gjashtë ditë kalojnë sa hap e mbyll sytë, prandaj mos mbyllni sytë, por votoni për Rilindjen".

Vetë kandidati Taulant Balla u paraqit i prekur para simpatizantëve dhe me lot në sy, për të parën herë, siç u shpreh ai vetë. "Kjo qeveri nuk bëri asgjë për punësimin, rrugët e Librazhdit, shëndetin publik, ndihmën ekonomike, - tha ai.- "Të jeni të bindur se pas 23 qershorit ai që do të rilindë Shqipërinë është Edi Rama. Ai do të jetë kryeministër. Do krijojmë 4 mijë vende pune. Do kthejmë gjykatën, prokurorinë, do rilindim arsimin, ndihmën ekonomike për çdo familje që meriton këtë sistem. Kemi shumë punë për të bërë pas 23 qesrhorit” - tha Balla duke ftuar edhe demokratët të bashkohen dhe të votojnë më 23 qershor listën e PS-së".

Redaksia online
(ar.sh/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Prag feste, Rama ndan fotoalbumin e fëmijëve veshur kuqezi

Prag feste, Rama ndan fotoalbumin e fëmijëve veshur kuqezi

27 Nëntor, 21:35