Librazhd, vdes 50 vjecari
ra nga një shkëm

Në një fshat malor të rrethit të Librazhdit një 50 vjeçar ka gjetur vdekjen si pasojë e një aksidenti. Burime të Policisë lokale thonë se “ 50 vjeçari Rrahman Burufi me banim në fshatin Letimi të komunës Lunik në Librazhd ka rënë nga një shkëmb".

Trupi i tij është gjetur në gjendje të rëndë për jetën disa orë pas aksidentit dhe është dërguar menjëherë në spitalin e Librazhdit.

Ndihma e dhenë nga stafi mjekësor, nuk ka shërbyer për ti shpëtuar jetën 50 vjeçarit, i cili ka gjetur vdekjen si pasojë e plagëve të marra në pjesë të ndryshme të trupit.

Familjarët i kanë treguar Policisë se 50 vjeçari kishte dalë herët në mëngjes me bagëtitë. Ndërkohë, Policia e ka percaktuar ngjarjen si aksidentale, ndërsa hetimet vazhdojnë për të zbardhur ngjarjen e plotë.