Seanca e parë e Komisionit të Ligjeve për kërkesat financiare të 2019-s, është shoqëruar me debate midis përfaqësuesve të Ministrisë së Brendshme dhe relatorit Bashkim Fino.
Zv/ministri i Brendshëm Julian Hodaj u shpreh në Komision se Ministria e Brendshme nuk ka kërkesa specifike dhe se buxheti garanton funksionim normal. Ndërsa Fino akuzoi Ministrinë e Brendshme se është mbrapa me investimet e 2018-s.
Fino tha më tutje se në rast se Ministria e Brendshme nuk ka marrë përsipër të planifikojë pagat e gardës, duhet ta ndërmarrë menjëherë, dhe se për të pasur një standard, sipas tij duhet bërë në mënyrë të menjëhershme një unifikim pagash. Sekretari i Përgjithshëm i MB-së, Dritan Palnikaj iu kundërpërgjigj relatorit duke thënë se Ministria e Brendshme i ka realizuar 100% fondet për investime, veçse ende nuk janë kryer transkasionet në thesar.
![](https://shqiptarja.com/template/img/NO_ALFA_Kuadrate shqiptarja.png)
“Do t’i likujdojme brenda 20 dhjetorit”, deklaroi Palnikaj, duke shtuar se për pagat e gardës “MB ka një projekt për t’i unifikuar shërbimet me policinë dhe SHCBA-në”.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)