TIRANË- Çdo person që do të synojë të blejë vota duke ofruar para apo vende pune në zgjedhjet e ardhshme do të hetohet nga Prokuroria e Posaçme Anti-Korrupsion. SPAK do të hetojë të gjithë ata të cilët do të kërkojnë para apo favore të tjera në shkëmbim të votës së tyre.
Këto dy kompetenca të shtuara ndaj SPAK morën dakordësinë e deputetëve në Komisionin e Ligjeve, përveç deputetit Adriatik Alimadhi i cili votoi kundër.
Do të jetë kompetencë e SPAK të hetojë edhe rastet kur administrata publike detyrohet që të marrë pjesë në veprimtari politike, si psh fushata zgjedhore. Në këtë rast dënimi është me burg nga 3 muaj deri në një vit.
Hetimi i krimeve zgjedhore nga SPAK ishte një kërkesë e PD dhe LSI, që mori dakordësinë e mazhorancës në Këshillin Politik me 5 qershor, tashmë dhe të ligjvënësve të Kuvendit të Shqipërisë.
Një tjetër ndryshim që u miratua në Komisionin e Ligjeve ka të bëjë me barrën që i ngarkohet SPAK dhe prokurorit të Përgjithshëm për të informuar Komisionin Qendror të Zgjedhjeve për ecurinë e hetimeve por pa cenuar sekretin hetimor.
Dritë jeshile në Komisionin e Ligjeve mori dhe ndryshimi ligjor që i heq përgjegjësinë penale kujtdo që përfshihet në shitblerje vote por tregon, pasi konsiderohet si bashkëpunëtor i drejtësisë. Të gjitha këto ndryshime do marrin dakordësinë përfundimtare nga ligjvënësit e Kuvendit në seancën e datës 17 dhjetor.
Neni 328
Dhënia e shpërblimeve dhe premtimeve
Ofrimi ose dhënia e të hollave apo të mirave materiale, bërja e premtimeve për vende punë ose për favorizime të tjera në cilido formë më qëllim për të marrë firmën apo paraqitjen e kandidatit për të votuar në një mënyrë të caktuar apo për të marrë pjesë ose jo në votime, përbën kundërvajtje penale dhe dënohet me burgim nga gjashtë deri në 2 vite burg. Pranimi i të hollave, të mirave materiale, premtimeve apo favorizimeve të tjera kundër kryerjes së veprime të mësipërme, përbën kundërvajtje penale dhe dënohet me gjobë.
Neni 328/.a
Detyrimi për pjesëmarrje në veprimtari politike
Detyrimi i shtetasve në varësi administrative, kundër vullnetit të tyre apo nën kanosjen e përdorimit të masave administrative, për të marrë pjesë në veprimtari zgjedhore të një subjekti zgjedhor përbën kundërvajtje penale dhe dënohet me gjobë ose me burgim gjer në gjashtë muaj. Detyrimi apo organizimi për të marrë pjesë në veprimtari elektorale të një subjekti zgjedhor, i nxënësve të arsimit parauniversitar nga punonjës që kryejnë një detyrë shtetërore në arsimin publik, ose detyrë a funksion në arsimin jo publik, përbën kundërvajtje penale dhe dënohet me burgim nga 3 muaj gjer në një vit.
Lajme të tjera
-
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Dumani ‘indiferent’, Blushi e sulmon sërish: SPAK po i garanton imunitetin qeverisë e bandave! Arrestimi i Metës banditesk
23 Nëntor, 14:43 -
Disa përfundime pas intervistës së Altin Dumanit
23 Nëntor, 12:07
-
Avokatët e dosjes 'Metamorfoza' reagojnë pas intervistës së Altin Dumanit: Sqarim lidhur me vlefshmërinë e të dhënave të SkyECC
23 Nëntor, 12:05 -
Fisniku Dumani
23 Nëntor, 12:03
-
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Ylli Pata: Pse shpërtheu bomba në PD pas vendimit të Kushtetueses
22 Nëntor, 17:58
-
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Asllan Dogjani sërish në SPAK! Deputeti i PD-së: Po më hetojnë për shtëpinë 100 metra katrorë
21 Nëntor, 13:02
