Ligji i ri, çmimi i tokave që do
marrin pronarët, harta e plotë

TIRANE- Pavarësisht ndryshimit të vijës së verdhë të Tiranës në vitin 1990, dhe të zhvillimeve në vitin 2005, tokat që janë kthyer në troje, për efekt kompensimi do të konsiderohen bujqësore. Në projektligjin e paraqitur prej qeverisë është parashikuar se çmimi i referencës në këtë rast do të jenë zonat më të afërta. Ndërsa me metodologjinë e miratuar në vitin 2014, rezulton se çmimi më i lartë i tokës bujqësore është ai i Paskuqanit, ndërsa për livadhet vlera mbetet e njëjtë. Po ashtu përsa i përket tokave pyje, çmimi për efekt kompensimi në Tiranë do të jetë nga 85 lekë në 109 lekë.

Ndërkohë që vlera mesatare e trojeve në periferitë e kryeqytetit shkon në rreth 82 mijë lekë për m2. Në fakt ata që do të preken nga ky ndryshim i çmimit do të jenë pronarët që kanë marrë kategorinë tok truall pas vitit 1956.