Ligji, ndryshimet në bashkitë dhe
numrat e këshilltarëve bashkiak

TIRANE- Harta e re territoriale e miratuar nga mazhoranca, ka ndryshuar në tërësi mënyrën e organizimit të pushtetit vendor. Qeveria miratoi dje projektligjin për organizimin dhe funksionimin e e qeverisjes vendore, në të cilin parashikohet edhe mënyra e re se si do të organizohen 61 njësitë administrative. Numri i këshilltarëve bashkiak do të përcaktohet nga numri i banorëve që jetojnë në një njësi administrative.

Në projektligjin e miratuar nga qeveria, hiqet nga përdorimi nocioni “komunë” dhe “kryetarë komune” dhe përcaktohet bashkia si njësia më e vogël administrative. Sipas ligjit, bashkia përfaqëson një unitet administrativo-territorial dhe bashkësi banorësh.