Ligji ri, negociata në distancë
për rivendosjen e kufijve 

Përpos ridimensionimit të rolit të autoriteve përkatëse për lëshimin dhe autorizimin e plotfuqive, drafti i ri për marrëveshjet ndërkombëtare detajon edhe rregullat dhe format e zhvillimit të negociatave mes palëve. Nisur nga marrëveshja e rrëzuar me Greqinë, ku palët negociuan dhe kopsitën gjithçka në fshehtësi, duke shmangur edhe Presidentin e Republikës, propozuesit e ligjit të ri kanë treguar kujdes, sa i takon parashikimeve për zhvillimin e negociatave dhe domosdoshmërinë për institucionet e përfshira. Konkretisht, në përbërjen e delegacionit, krahas përfaqësuesve të ministrisë/ve kompetente, do të ketë edhe përfaqësues të ministrive të interesuara.